Govt Modern High School Lungtian zirlai leh zirtirtu kal tur chu Joint Co-ordination Committee ten kal an rem ti lo
Rauthla 09.06.2025 (Thawhtanni) : Vawiin 09.06.2025 (Thawhtanni) hian Govt Modern High School Lungtian a an Mathematics zirtirtu Pu H.Lalhmingmawia, Govt Aizawl High School a transfer anih chungchangah lungawi lohna lantir in zirtirtu leh zirlaite School kai tur chu Joint Co-ordination Committee Lungtian hmalakna in dan an ni a. Sawrkar a an thilphut ah chhanna an hmuh hma loh chuan kalpui zel an tum.
Joint Co-ordination Committee Lungtian ten Govt Modern H/S Lungtian a Mathematics zirtirtu dah let an phutna chu awmzia a la neih loh avangin Joint Co-ordination Committee Lungtian te chuan zirlaite leh zirtirtu te sikul kal tur chu dan nise an tih angin vawiin atang hian kalpui tan a ni a. An hmalakna pawh an thlawp tha hle a. JCC te ngenna angin Lungtian khawtlanga zirna in zawng zawng bakah Revenue & Settlement Office Lungtian, EF & CC Office te pawh khar vek a ni a. Health Wellness Officer leh Staff te pawn mipui zing a harsatna tawk thei an awm palh ah tiin an duty bawk a. An thu thlen te hi ngaihpawimawh a nih loh a, a hlawhtlinna an la hmu lo zel anih chuan an hmalakna hi kalpui chhunzawm zel an tum a ni.
