Khawkheng, tuilian, thlai hrik leh natna hri, leimin, natural fire, tek, thlipui leh rial vanga chhiatna te insure theih a ni

Lo neitute tan thu lawmawm

Rauthla 11.06.2025 (Nilaini) :  Vawiin khan Chief Minister Pu Lalduhoma hovin Crop Insurance Scheme - Pradhan Mantri Fasal Bima Yojana (MPFBY), 2025-26 chungchang sawihona CM Office-ah an nei a, Pu PC Vanlalruata, Agriculture Minister leh Agriculture officials te, Finance lam aiawhte an tel.

        Pi Ramdinliani, IAS, Secretary, Agriculture Department chuan Pradhan Mantri Fasal Bima Yojana, kum 2016 atanga India rama hman tan tawh chungchang sawifiahna a nei hmasa a. Mizorama 2025-26 chhunga kalpui dan tur an sawi zui a ni.

        Khawkheng, tuilian, thlai hrik leh natna hri, leimin, natural fire, tek, thlipui leh rial vanga chhiatna te insure theih a ni a. A insurance leina man (premium rate) hi fur thlai cereals & pulses ah 2%, commercial crop ah 5% a ni a. Thlasikah chuan cereals & pulses hi 1.5% leh commercial hi 5% a ni. Horticulture crop dang pawh a awm bawk a, season khat chhung atan zel a ni. Kum dangah chuan Insurance Company rawn intatlut duh te zawn thin a ni a, kuminah hi chuan Government of India undertaking Agriculture Insurance Company te nena hmalak ho a tha dawna ngaih a ni.

        MPFBY kalphungah hian central share, state share leh loneitute tum ve tur te a awm a. Loneituten an pek ve tur chhawk zangkhai dan an rel nghal a. Mizoram sawrkar chuan loneitute (crop insurance) premium pek ve tur hi thahnem tak tumsak ni se an ti.

        Bawhzui ngai te bawhzui nghal a ni anv a, Crop Insurance Scheme 2025-26 hi puan theiha peih thuai a ni ang.