Meghalaya Police ten Sonam leh a thurualpuite thu an zawhfiah mek

 Meghalaya Police ten Sonam leh a thurualpuite thu an zawhfiah mek 

Shillong 12.06.2025 (Thursday) : A pasal thahna a mawhphurtu bera ngaih Sonam Raghuvanshi leh a thurualpui ni a hriat mi 4 te chu Shillong an thlenpui kim tawh a. Meghalaya Police te chuan an thlen thlak hnu -ah Bihar Jail a dah lailawkin a hnuah Guwahati an rawn panpui a, June 19, 2025 zan dar 12 pelh khan Shillong rawn thlenpui a ni a, medical check up neihpui anih hnuah nimin khan Court a hruai nghal a ni. Sonam hian an man hlim hian a pasal chu a hmuh laia thah niawmin a sawi zauh a. He a thusawi hian Special Investigation team beng a verh hle a. Amah chu an hrai ruih hnuah a pasal thattu ten an hreng lui niin a sawi leh bawk a. A hnua thu an zawhfiahnaah pawh a tir lama thu alo sawi zauh hi Police te hian an tangkaipui hle a ni. Sonam leh a thurual pui te hi nimin khan court ah hruai a ni a, Meghalaya Police te hian ni 10 chhung thuzawhfiah tura kawl an dil chu Court chuan ni 8 chhung a remtih sak thung. 

    Meghalaya Police te hian Raja thah chungchang an chhuina hi codename ah ‘Operation Honeymoon’ an vuah a.Police te hian khunkhan takin Sonam leh a thurual -puite hi nimin khan thu an zawtfiah zui a, heta an inpuanna atanga an hriat belh chu a pasal Raja Raghuvanshi nu, Uma in Indo -re atanga an chanchin ngaihvena, Raja biak a tum lai khan, Sonam leh a thurualpui te hian Raja hi thah an tum hle tawh a. Cherrapunjee ramhnuai piril khawchhe hnuaiah-ah Raja hi an kal hmasak tir a, a ni (Raja) lahin an thil tum hi a hre der si lova. Raja nu Uma in ka fapa (Raja) chu ka lo be ve ang e, tiin a monu Sonam hnena a tih chuan, Sonam chuan Raja chu a kal hmasa a, a phone a ak tho a, ka umphak velleh ka rawn phone let tir ang che, a ti a. Raja nu Uma chuan rinhlelhna nei lovin, a nih leh aw, tiin a phone chu a dah a, hemi hnu hian che zui ta nghalin, Raja Guwahati a chem an lei chuan a luah hmun 2 ah an sat ta nia hriat a ni.

Meghalaya Police te hi an fimkhur hle a, evidence fawm khawmin Indore (MP) Ghazipur (UP) leh Shillong (Megha -laya) an kartawn a. Police te sawi danin Sonam leh a bialpa Raj te hi a pasal Raja thah chung changah hian remruattuah an inpuhtawn nasa hle a ni. 

Meghalaya Police East Khasi Hills SP Vivek Syiem chuan a tul chuan thuzawhfiah turin kan la dil chhunzawm leh ang, a ti a. “Thuzawhfiah hi a buaithlakna chen a awm a. Hmanhmawh a thutlukna siam zung zung chi a ni lo, thil la hriat belh kan inbeisei a. Kan thu hriat belh te hi thu kan zawhfiah zawh vek hnuah kan la hrilh ve ang che u,” tiin media te a hrilh a. Tun dinhmunah thumum ala awm tak tak thei lova, pakhatin a sawi a, a dang -in an sawi dang leh a, heng te hi kan finfiah zel a ngai rih a, hmanhmawh chi a nilo, a ti.