Rauthla 03.06.2025 (Thawhlehni) : Tunhnai Mizoram hmun hrang hranga ruahpui vanawn sur vanga chhiatna thlengah mi 5 in nunna an chan tawh.
Disaster Management & Rehabilitation (DM & R) in a chhinchhiah danin, Mizoram District hrang hrang ah leimi/leitawlh hmun 598 awm tawhin, chenna In chhia 171 a awm tawh bawk a, chenna in rauhsan 244 awmin, tuilian avanga rauhsan hi 119 zet an awm thu a tarlang bawk a ni. Tin, Retaining wall chim hi hmun 33 ah awmin, lung tla hmun 5 ah awm bawk a. Thing tlu hi hmun riat ah awmin, Electric ban tlu hi hmun pakua (9) ah a awm bawk a. Lei tlahniam (Sunken Area) hi hmun pasarih ah awm a, thlamual chim / thlanmual min hi hmun 3 ah awmin, nunna chan mi panga an awm tawh bawk. Sabereka khuangkaih hi hmun hnih (2) ah a awm tawh bawk a ni. Lawngtlai District bikah hian leimin/lei tawlh 12 awm tawnin, In chhia/In chim pasarih a awm bawk a. Tin, road block hmun 6 ah awm in, retaining wall chim hmun hnih ah awmin, electric ban tlu pakhat a awm bawk a ni. Tun dinhmun ah hian nunna chan an awm hriat a la ni lo.
