Youtuber Engkima Ralte Kawlni channel in bias takin thu a puangchhuak chu Lungrang South & Lungrang South-I Jt NGO ten tha an ti lo

 Youtuber Engkima Ralte Kawlni channel in bias takin thu a puangchhuak chu Lungrang South & Lungrang South-I Jt NGO ten tha an ti lo

Rauthla 10.06.2025 (Thawhlehni) : Lungrang South bula kawngpui chim chungchangah Youtuber pakhatin “Lungrang khaw mipuiten tha an ti hle a” a tih chu dawt phuahchawp niin Lungrang South & Lungrang South - I Jt NGO chuan an sawi.

                Thuchhuah intawm an siamah Lungrang South & Lungrang South – I Joint NGO chuan, Chhumkhum to Chawngte kawng inkar kawng siam hna, Pu C. Lalhmingliana Chanmari-I Lungleiin kumin March thla tira a siam zawh tak a chim chungchangah, Youtuber Engkima Ralte Kawlni Channel chuan bias takin thu a puangchhuak niin an sawi a, a thu tih chhuahah "Lungrang khaw mipui ten tha an ti hle a" a tih chu thu dik lo niin hei hi mipui bum tum nana dawt phuahchawp a ni an ti.

        Lungrang South & Lungrang South - I Jt NGO chuan kawng chhe lai hèlna tur kawng dang, helai kawng siam hnathawktu ten an siam nia Youtuber pakhat in a sawi pawh chu thu dik lo nia sawiin, he kawng hi World Bank awm hmaa PWD kawngpui awmsa a nih thu an sawi a, Engkima Ralte Kawlni Channel neitupa chu thudik hre hmasa lova țan lam nei a dawt thu puang tawh lo turin an hriattir tih an sawi bawk.

            Lungrang South & Lungrang South – I thuchhuahah hian YMA, MHIP leh MUP hruaituten hming ziah hnanin Hume Pipe Culvert chhiat chungchanga tunhnaia Joint NGO Chawngte thuchhuah siam tawh chu thudik tak vek niin an sawi.