Siaha-ah Addl SP in World No-Tobacco Day hmanpui
Rauthla 13.06.2025 (Zirtawpni) : Vawiin chawhma dar 11:00 khan District Tobacco Control Cell, Siaha buatsaihin ‘World No-Tobacco Day’ hman a ni a, he hun hi Pi S Laltanpuii, District Consultant, NTCP chuan kaihruaiin Pu Beimosia Lapi, Addl SP chu khuallian a ni. Kumin World No Tobaccco Day Thupui chu ‘Unmasking the Appeal : Exposing Industry Tactics on Tobacco and Nicotine Products’ tih a ni.
Pu Beimosia Lapi chuan tleirawl leh zirlaite hma hun atana tul leh tangkai tur hrang hrangte sawiin zuk leh hmuam, ruihhlo lakah fihlim tlat turin kalkhawm zirlaite chu a chah a ni. Vawiin Programme hi Kolodyne Higher Secondary School zirlai leh zirtirtu thahnem tak nen hmanho a ni.
World No Tobacco Day hi May Ni 31 ah kumtina hman thin a ni a, kuminah erawh remchan lohna hrang hrang avangin a Ni takah hman theih a nih loh avangin hun remchang hmasa berah hman a ni ta zawk a ni.
