Rauthla 08.06.2025 (Pathianni) Nimin khan thuchhuah siamin, PZP chuan, zirtirtu aikal late chungchanga Mizoram Sorkar hmalakna an thlawp thu kumin May ni 28-a an lo sawi tawh bawhzuiin, Vathuampui leh a chhehvel chu ngun takin an chhui chiang a, zirtirtu thenkhat Sorkar thu zawm duh lote chu aikal la chhunzawm zel lo turin Thawhlehni (4th June) khan an ngen a, an ngenna-ah hian zirtirtu aikal late chu tun thla ni 15 ral hma ngeia an hnathawhna hmuna awm theuh turin an ngen a, hetiang a nih mek lai hian an ngenna zawm duh loa transfer dil an awm ni-a an hriat thu sawiin, hei hi pawi an tih thu leh an ngai thutak thu an sawi.
PZP chuan, Mizoram Sorkar leh ADC Sorkar hnuaia zirtirtu aikal late chu lak an nih ang ngei a an thawhna hmun theuha awm turin an chah a. Zirtirtu transfer dil leh a buaipuitute chu ngun takin an chhui dawn a, Sorkar hotute pawh mahni post-a awm duh loh vanga transfer dilte chu an dilna tihlawhtling lo tura ngenin, transfer order hmu thar an awm a nih chuan PZP in a tawp thlengin hma an la dawn tih an sawi.
