LAWNGTLAI DISTRICT WATER & SANITATION MISSION (DWSM) THUKHAWM
Ruathla 1st August 2025: Vawiin khan Lawngtlai District Water & Sanitation Mission (DWSM) chuan DC Office Chamber-ah thutkhawm an nei a. Pu Cheemala Siva Gopal Reddy,IAS, Lawngtlai Bawrhsap leh Chairman, District Water & Sanitation Mission, nibawk chuan a kaihruai.
Pu Cheemala Siva Gopal Reddy chuan DWSM Member kalkhawmte hnena lawmthu sawina a nei a. Lawngtlai District mipuite tana tui thianghlim in tur pek leh Faina lama hmasawn tura hnathawh chhunzawm zel chu hna hmasa a neih a tul hle a ti a. Swachh Bharat Mission (Gramin) leh Jal Jeevan Mission kaltlangin hmalakna tam tak awm mah se, a enkawl zui lamah tan lak a tul thu a sawi. Bawrhsap chuan neitu thinlung put a pawimawh tak zet tiin, a bik takin vantlang mipuite tana siam- Community Sanitary Complex, Compost pit, Soak pit leh Plastic Collection Centre- te enkawl leh vawnfai kawngah mipuiten thar thawh a hun tawh tak zet a ti. Sawrkar sum tam tak seng a thil siam leh sak thinte chu tha leh hlawk taka hman a nih theih nan department hrang hrangte thawkho thiam turin a chah a. Mipuite pawh rilru put hmang thlak a, sawrkarin an tana a siam leh sak thin (Assets) te chu mahni ta ang a cheibawl thin turin a sawm nghal bawk.
Er. H. Lalnunthanga, Sr. EE, PHED leh Member Secretary, DWSM nibawk chuan report tawi pekna a nei a. Jal Jeevan Mission hnuaiah za a za Functional Household Tap Connections pek tawh niin, Hmunnuam Water Supply Schemes leh Combined Dumzautlang, Laitlang leh T. Dumzau Water Supply Schemes chu kalpui mek a ni, a ti a . Swachh Bharat Mission Gramin hnuaiah Community Sanitary Complex - 56, Community Compost Pit & Soak pit - 187, leh Plastic Collection Centre ( Segregation Shed) - 157 sak tawh a ni, a ti.
Thutkhawmah hian thil pawimawh tak tak sawiho a ni a. School, Sub- Centre, VC In, Sawrkar Office leh Community Hall- ah te tui connection pek a nih theih nan, data mumal taka lakkhawm ni se, Schemes hrang hrang atanga tihhlawhtlin dan kawng dap ni se an ti a. Faina leh thianghlimna kawngah hmasawnna turin, sawrkar department hrang hrangte chu a remchan dan leh an hna a zirin thawkho zel se an ti bawk. Sr. Sanitation Officer, LADC chu DWSM Member - ah ruat ni se an ti a, Meeting minutes chu Member Secretary - in DWSM Dashboard - ah lo dahlut se an ti bawk.
Vawiin thutkhawmah hian Project Director (DRDO) Chief Medical Officer, Sr. EE (PHED), District Education Officer, Astt. District Agriculture Officer, leh Deputy Conservator of Forest, Chhimtuipui Wildlife Division, aiawhte an tel thei a. Pu Cheemala Siva Gopal Reddy chuan lawmthu sawina neiin hun a khar.
