LAWNGTLAI DISTRICT LEVEL COMMITEE ON MYANMAR REFUGEES THUKHAWM
Rauthla , 24th October 2025 : Vawiin khan 'Lawngtlai District Level Commitee on Myanmar Refugees' chuan an Chairman leh Bawrhsap nibawk Pu Donny Lalruatsanga hovin a Office Chamber-ah thutkhawm an nei.
Pu Donny Lalruatsanga chuan kalkhawmte hnena lawmthu sawina a nei hmasa a. Rlatlan chungchangah sawrkar,VC, NGO leh Kohhran ten thawhhona tha tak an nei thin chu lawmawm a tih thu a tarlang a. Raltlante zingah 'Biometrict Enrolment' neih chu sawrkarin a ngaipawimawh hle tih sawiin, Lawngtlaiah pawh kalpui mek a ni, a ti a.Aizawl, Champhai, Lawngtlai leh Siaha te chu raltlan an nei tam zual deuh an nih thu sawiin, chak taka hmalak mek zel a nih thu a sawi . Tun dinhmunah Lawngtlai District - ah khawl lamah harsatna tawh niin, khawl pali ah pahnih chauh hman theih a nih thu tarlangin, Home Department - ah thleng tawh a ni a, khawl dang chah leh mek a nih thu a sawi a. Bawrhsap chuan 'internet connectivity' that loh vangin khawl hman theih lohna hmun awmin, hei hian harsatna a thlen thu a tarlang .
Bawrhsap chuan sawrkarlaipuia Ministry of Home Affairs thuchhuak angin, biometrict enrolment- neih hnuah chauh 'identity card' pekchhuah tur a nih thu a sawi a. Identification Card- pechhuak tura chak taka hmalak a nih thu a tarlang bawk. A bik takin Village Council (VC) tinte chu mahni huamchhunga raltlan te dik taka lo chhinchhiah tur leh tumah lo humhim lo turin a chah a. Pu Donny Lalruatsanga chuan Raltlan chungchangah sawrkar hmalakna lo tawiawm tlat turin NGO, VC, Kohhran leh mipuite a sawm nghal bawk.
Thutkhawm chuan Raltlan chungchanga sawrkar hmalakna chu tha tiin, theihtawpa lo tawiawm zel ni se an ti a. Raltlante dik taka chhinchhiah an nih theih nan sawrkar, VC leh NGO- te inkarah thawhhona tha awm zel tura hmalak ni se an ti, a ni. Raltlante chu kan unaute an ni tih pawm tlangin, kawng hrang hrangah lo tanpui chhunzawm ni se, chutih rualin, mumal taka chhinchhiah leh inkaihruaina tha zawk Sawrkarin a siam chu tha taka zawk leh kalpui ni se an ti a. A bik takin Rakhine sumdawngte chu uluk zawka endik thin ni se, Raltlante hman ber 'two wheeler' khuahkhirhna tha zawk siama hmalak nise an ti, a ni.
Vawiin 'Lawngtlai District Level Commitee on Myanmar Refugees' thutkhawmah hian Member- te an telkim tha hle a, Pu Donny Lalruatsanga chuan lawmthu sawina neiin hun a khar.
Tun dinhmunah hian Lawngtlai District - ah Raltlan - 2195, te Biometric Enrollment- lak sak tawh a ni.
