Pu Lalrintluanga Sailo Chanchin tlangpui
Pu Lalrintluanga Sailo hi Pu Lalnguauva Sailo (L) leh Pi Lalhmingliani (L) te inkarah June ni 13,1960 khan Durtlang Hospital-ah a lo piang a, an unau hi 12 an ni a, chungte chu :
2. Saihuthangi - Champhai Zote
3. Sailopari - Seling
4. Lalrintluanga Sailo - Luangmual
5. Vanlalhmuaki Sailo - Chanmari
6. Lalhmingthangi - Upper Republic
7. Zoramenga (L) : Saron
8. Lalnuntluanga (Sena) : Luangmual
9. Lal\anpuia (L) : Saron
10. Lalrimawia - Upper Republic
11. Jim L.T. Luaia - Bethlehem
12. Lalthanpuia (L) : Saron
May ni 10, 1986-ah Lalbiakthuami nen inneiin tuna an awmna Luangmualah hian an inbengbel a, fa panga; fapa 3 leh fanu 2 an nei a, tu 3 an nei bawk. An fate chu :
2. Dr. Henry Zoramthara Sailo
3. Eddie Zodinpuia Sailo
4. Lucy Zonunpuii Sailo
5. Dr. Santa Lalmalsawmi Sailo te an ni.
Pu Rintluanga hian 1975 khan Ch. Chhunga High School a\angin Pawl 8 a zo a; 1976 khan, kum 16 mi a nihin India laka zalenna sualtu, MNF zawmin hnam sipaiah a \ang a, Captain Thangrehlova a zui nasa hle. Zalenna sual tura a inpek dawnin Pu Rintluanga hian Pathian Lehkhabu Thianghlim nem chhungin chhia a chham a, 'a thisen far tawp thlenga thawk turin' a intiam a; MNF leh India an inrem thleng, kum 10 chhung ram hnuai sipaiah a \ang. 2008 khan a vawi khat nan MNF ticket-in MLA inthlanpuiah a ding a, 2018 khan a vawi khat nan MLA inthlanah a tling a, MNF ticket-a Dampa bial a\anga tling hmasa ber niin 2018-2023 chhung MNF sorkarah deputy chief whip nihna a chelh. 2023 MLA inthlanah a bial ngaiah ding leh in a bial mipuite zarah thlan tlin leh a ni.
Ama sawi dan chuan MLA nih tumna nei ngai lo mah se 1999 a\angin loh theih lohna avangin Dampa bial a vil a, mikhual 100 chuang a neih chang a awm a, a bial chhung a hre chiangin a fang chhuak ngun hle. MLA a nih hnuah zirna, hriselna leh inkalpawhna kawngpui \ha a awm theih nan theihtawp a chhuah a ni.
Dampa bial a enkawl chhung hian, Zirna kawnga hmasawnna leh Kawngpui \ha leh hriselna kawnga hmasawnna a ngai pawimawh hle a, a hun chhungin Higher Secondary School panga lai sual chhuakin Kawngpui \ha siamna tur W. Phaileng to Marpara leh Rawpuichhip to Buarpui te pawh a thawhrim zarah a hlawhtlinna kan hmu mek a, Hriselna lamah pawh a hun chhungin W.Phaileng PHC chu CHC ah hlankai niin, Marpara PHC Building thar \ha tak sak a ni bawk. Tin, infiamna lamah W. Phaileng football field-ah amah vang liau liauin Sport Center nuam tak leh \ha tak a lo puitlin theih phah bawk.
Pu Lalrintluanga Sailo hi lehkha zir sang a ni lova, Educationist ten an Research naa an hmuhchhuah tak chu ‘Mithiam an tih hi lehkha zir sangte ni ngawt lovin, an thiamna, an finna, \hatna, etc. a taka hmang chhuak/nunpui te hi mi lehkhathiam an lo ni zawk’ tih hi a ni. Hengho zingah hian a tel ve a ni tih hi a mizia/chetzia a\angin a hriat theih a ni.
KHAWTLANG LEH NGO-A A INHMANNA TLANGPUITE
Pu Lalrintluanga Sailo hi kan hriat angin kum naupang takin ramhnuaiah rammu-in a kal a, remna leh muanna kan lo neih tak hnuah rawn chhuak chhovin, tha thlah mai lovin khawtlang enkawlna lamah rawn zuang lut leh nghalin khawtlang tan theihtawp chhuah duh mi a ni a. 1990 khan MNF Ticket-in Luangmual Village Council Member-a tan hneh taka thlan tlin niin, Village Council President a ni nghal a ni. Village Council ah hian Term 4 (1990-2002) chhung zet thlan tlin niin Term 3 VCP niin Term 1 (Khat) Member a ni.
A VCP chhung hian Luangmual khawtlangin hmasawnna tam tak a hmuh zingah hengte hi a langsar zual te an ni.
1) Vengchhung kawng (Chhangurkawn to YMA Field) Motor lut thei mang lo khawpa kawng zim \hin chu laih zawh (Widening) niin, a hun chhung hian Black Top nghal a ni.
2) Raltawna Road kawng la awm ngai lohna chu Motor kal theia laih \an a ni.
3) Thlanmual kawng laih bul \antute zinga mi pawimawh tak a ni.
4) YMA Hall building sakna atan theihtawp a chhuahna zarah tluang takin zawh a ni.
5) YMA Field chu a ho hian nawr zauh belh a ni.
6) Luangmualah Tui Connection a awm ve theih nan sulsutu ber niin, Tanky lian dahna tura hma latu ber leh a ram neitute dawrtu ber a ni a, tuna Tanky lian hi PHE Department-in rawn dahin tui Connection kan lo neih phah ta a ni. Heng bakah hian a hnathawh sawi tur tam tak a la awm a, Luangmual khawtlang enkawlna fawng vuantu a nih chhung hian vengchhunga pawl hrang hrangte hmalaknaah theihtawp a chhuahpui \hin a. Mi khawngaih thei tak a nih avangin a neih chhun pawh a aia harsate pe phal mai mi a ni.
Eizawnna neilo mi engemaw zat eizawnna a hmuhsak bawk. Village Council lam a chawlhsan hnuah pawh YMA lamah inhmang chhunzawm zelin 2004 khan YMA President atan thlan a ni a, 2005 ah Finance Secretary atan thlan a ni leh a, kum engemaw zat hruaitu hna a chelh a ni. Tin, heng bakah hian Aizawl District Football Association (ADFA) hruaitute zingah a lo tel ve \hin bawk.
MNF PARTY-A NIHNA A CHELH CHHOH DAN
1. 1993-1997 chhung khan MNF |halai Hqrs.-ah Joint Secretary hna a chelh \an a, |halai Hqrs. Gen. Secretary hna hun rei tak a chelh a ni.
2. 2003-ah MNF Gen. Hqrs. ah Joint Secretary atan Appoint niin Secy-ah te kal chho zelin kum 2009-ah MNF Gen.Hqrs General Secretary-a tan Appoint a ni leh a.
3.2018 inthlanpuiah Dampa Bial a\angin MLA-a thlan tlin a nih hnuah MNF Gen. Hqrs Adviser atan ruat a ni zui bawk.
4. 2024-ah MNF Gen. Hqrs. ah National Core Committee (NCC) atan Appoint a ni leh a, vawiin thleng hian he hna hi a chelh a ni.
KOHHRANA A NIHNA
Kohhranah hian a theihtawpa inhmangin Kohhran inkhawm a ngaipawimawh em em a, rawngbawlna chanvo hrang hrang a chelh mek a ni. Thuhriltu leh Puitling Sunday Puitling Zirtirtu leh Building committee member a ni mek a, Naupang Sunday School zirtirtu te ni \hin bawkin ei leh in siam hi a tuiin a thiam em em a, Christmas Ruai committee ah telin, fatu nuam a ti em em \hin.
A NAT DAN
April Ni 14, 2025 (Thawh\anni)-a chhim lama a zin lo haw hnu, April Ni 16, 2025 a\angin a khawsik hi a reh hlei thei lo a, Greenwood Hospital- ah Admit niin, dam chiang lovin in lama inenkawl turin a lo chhuak a, in lamah Test te an neih leh a\anga Typhoid hmuh a nih avangin Greenwood Hospital-ah bawk Admit a ni leh a ni. Treatment te lain kar khat vel a awm hnuah in lamah inenkawl lehin a taksa a chak \ha hlei thei lo a. Doctor rawn angin phai lamah uluk zawka Investigation leh Check Up nei turin June Ni 02, 2025 khan Max Hospital, Delhi panpui a ni a, hetah hian Fungal Infection a kawchhung lamah a nei tih leh Pneumonia a nei tih hriatchhuah a ni ta a. Treatment te lain dam \ha pangngaiin kar hnih hnua inCheck Up leh turin a lo haw a, khawsik avangin a thisen te endik leh a ni a, hetah hian rannung seh (Scrub Typhus) hmuh chhuah a ni leh hlauh. A in-Check Up hun a thlen hmain Doctor te rawn angin hmanhmawh takin June Ni 29, 2025 (Pathianni) khan Max Hospital, Delhi panpuia Admit lehnghal a ni a, hemi a\ang hian \hat lam aiin a natna hian zual lam a pan hret hret a. Natna dang; thinlian, mitliam leh Sepsis ten tlakbuak chhunzawmin damdawia an enkawlna pawhin awmzia a nei thei ta lova, septic shock te nei lehin hemi hnu hian thawk lama harsatna a neih avangin Ventilator te hman a ngai ta hial a, rawn \ha leh deuh \hin mahse a taksa chhung lama harsatna avanga Dialysis tih a nih mek laiin Hearth Attack a nei zui a, July Ni 21, 2025 zan dar 09:02 khan chatuan ram min lo pan san ta a ni
LAWMTHU SAWINA
Kan chhiat tawh chungchangah hian lawmthu sawina tur tam tak kan nei a, a damloh \antirh a\anga vawiin thlengin mimal leh \henrual \ha te, Kohhran leh khawtlang leh Dampa Bial mipuite min \awiawmna leh min \awng\aipuina zawng zawngah lawmthu kan sawi a. Tin, Doctor leh Nurse ten theihtawp chhuaha an enkawlnaah leh Delhi Mizo Welfare ten min buaipuina zawng zawngah lawmthu kan sawi bawk. Tin, Sawrkar leh ram tana a thawhpuite, Party mi leh sa te, Assembly Staff Welfare te, veng hrang hranga a \hiante leh a thawhpuite \awiawmna bakah a unau chhung leh khat, hmangaih leh dawhthei taka amah enkawltute zawng zawng chungah lawmthu kan sawi a ni. Heng bakah hian kan chhiattawhna avanga tha leh zung sengtute zawng zawng chungah lawmthu kan sawi a, Lalpa’n a let tam takin malsawm vek che u rawh se.
