Rauthla 11.03.2026 (Nilaini) : Henry Lalhmingmuana, Lawngtlai -III chuan March 13, 2026 hian Chief Minister Chawimawina Nopui hlan ani dawn.
Chapchar Kut Organising Committee 2026 chuan Mizo Nunzia chawisanna a ke pen a, khawtlang leh ram tana thil tha chungchuang- rinawmna, huaisenna leh dikna lantirtutr chawimawi nan Chief Minister Chawimawina Nopui siam nise a tih angin Henry Lalhmingmuana, Lawngtlai -III hnenah hian hlan ani dawn ani.
Henry Lalhmingmuana hi Auto Rickshaw khalh thin ani a. A passenger phurin pawisa tam tham tak a theihnghilh a pek kir leh avanga a rinawm zia a lantir avangin he chawimawina Nopui dawng tura tih ani.
Kumin Chapchar Kut Aizawl Lammual a an hmanna tur ah hian Henry Lalhmingmuana hian Chief Minister hnen atangin Chief Minister Chawimawina Nopui hi a dawng dawn a. Trophy leh cheng nuai 1 hlan ani ang.
Henry Lalhmingmuana hian June 19, 2025 khan Husop Hotel a thleng Myanamar lam mi chu a Auto Rickshaw ah chuangin a thlah a. Hemi tum hian pawisa tam tham tak a theihnghilh a, rinawm takin sum theihnghilh chu a passanger hnenah hian a hlan lek vek ani
