AH & VETY LEH HORTICULTURE MINISTER PU C. LALSAWIVUNGA'N VETY FARM MAMPUI, DISTRICT AH & VETY OFFICE LEH DHO OFFICE LAWNGTLAI TLAWH
Rauthla 13.06. 2025 (Zirtawpni) : Tukin zing dar 8:0O AM khan Pu C. Lalsawivunga, Animal Husbandry & Veterinary Department changtu Minister chuan Mampuia AH & Vety Farm - chu a hmunah kalin a tlawh.
Pu C. Lalsawivunga chuan Mampui khawtlang hruaituten an lo dawngsawngnaah lawmthu a sawi a. Vety Farm, Mampui changtlung zawka siam turin sawrkarin theihtawp a chhuah mek zel thu a tarlang a. Harsatna tam tak awmte chingfel tura project tha zawk siam a sawrkarlaipuia thlen a nih tur thu a sawi . Minister chuan thawktu indaihlohna sawrkarin hriain, tun dinhmunah Doctor - 9 leh VFA- 9 la tura hmalak mek a ni, a ti . Vety Farm, Mampui chu Mizorama Vety Farm tha berte zinga siam turin Department hmalakna kawng hrang hrangah khawtlangin tha taka a tawiawm zel a pawimawh hle a ti.
Minister chuan Mampui khawtlang ten neitu thinlungpu a Vety farm tana theihtawp an lo chhuah tawhnaah lawmthu sawiin, hmalam hunah pawh tha hnem ngai taka department hmalakna lo tawiawm tlat turin a sawm a. Lawngtlai khawpui leh a chhehvel khuaten tun aia tangkai zawka an chhawr zelna tura sawrkarin theihtawp a chhuah zel tur thu a tarlang bawk.
AH & Vety Minister hi Mampui khawtlang hruaituten an lo dawngsawng a. Pi Lalhruaitluangi Sailo, Executive Councillor, Ward No. I, Lunglei Municipal Council (LMC), Pu LR Dingliana Chinzah, bialtu MDC, Dr. Lalmuanpuia Samte, District AH & Vety Officer, leh Dr. Charlie C. Chawngthu, (SVO) ten Minister hi an tawiawm thei a ni.
Minister hian Lawngtlai District AH & Vety Office leh Quarters, a tlawh nghal a. Lawngtlai mipuite tana thahnem ngai taka thawk chhunzawm zel turin a chah a. Lawngtlai mipuiten hrisel zawka ran an enkawlna turah leh ran atanga mipuiten ten chaw tha zawk an hmuhna tura mawh an phurhna hlen fo thin turin a fuih a ni. Dr. Lalmuanpuia Samte, District AH & Vety Officer chuan harstana hrang hrang an neih te Minister hnenah hian a thlen a. AH & Vety Minister chuan AH & Vety Office- in harsatna an tawhte a hriatthiampui tih tarlangin, chak zawk a hmalak a tum thu a sawi a. AH & Vety Quarters hungna bang chim chu pawi a tih thu sawiin, theih ang ang a hmalak a nih tur thu a sawi bawk.
Pu C. Lalsawivunga, Horticulture Minister nibawk chuan District Horticulture Office, Lawngtlai tlawh nghal bawkin hetah hian Pi Laldintluangi, Ralte, DHO, Lawngtlai leh a thawhpuiten an lo dawngsawng a. Lawngtlai mipuite tana Horticulture Department - hnathawh chhuanawm a tih thu a tarlang a. Ei leh bara Mizoram la intodelh tawk loh zia sawiin; rinawmna leh taihmakna nena hnathawh a pawimawh tak zet tiin, tha hnem ngai taka hna lo thawk zel turin a fuih a. Horticulture Minister chuan mamawmawh an neih ang angte a hnena lo thlen fo thin turin a chah nghal a ni .
