Pu Donny Lalruatsanga District Sports Committee Chairman in Arm Wrestler thingpui inpui
Rauthla 09.06.2026 (Nilaini) : Vawiin khan Pu Donny Lalruatsanga District Sports Committee Chairman leh District Bawrhsap nibawk chuan tunhnaia 4th National Arm Wrestling &Para Arm Wrestling Championship 2026 RashtriyaRaksha University, Gujarata neih zawh taka Mizoram aiawha kal Lawngtlai a Medal rawn hawn te thingpui a inpui.
District Sports Committee Chairman Pu Donny Lalruatsanga chuan, Lawngtlai District mai ni lo, Mizoram tana medal in rawn hawn thei hi a lawmawm hle a. Tuna in hlawhtlinna ah hian ka lawmpui tak zet che u ani, a ti a. Arm Wrestling Association hi Lawngtlai ah chuan pawl naupang te angin lang mahse, National level thleng a Medal in rawn hawn thei hi hruaitute inpekna leh Thawhrimna a ni a. Tin, player te pawhin insumtheihna leh tih tak tak na in nei tih a chiang hle a. Tuna in dinhmun aia sang zawk thleng thei tur hian theihna in nei a, chu chu hria a hlawhtlinna sang zawk chang ngei turin theihtawp in chhuah ka duh ani, a ti bawk.
Pu Donny Lalruatsanga chuan sorkar official lam atanga kan in tanpui theihna zawn ah theihtawp kan chhuah zel ang a. Kan theih bak piah lam te erawh hruaitute pawhin in hriat a, theihtawp chhuah chhunzawm zel a. Hei aia tam leh ropui zawk rawn hlawhchhuak zel turin duhsakna ka hlan a che u, tiin Mizoram aiawh a Lawngtlai District atanga Medal rawn hawntute hnenah lawmpuina Rs 5,000 theuh hlan an nih tur thu a sawi bawk.
Mizoram aiawh fehchhuak Lawngtlai District atanga Medal rawn hawntute hi Vanlalduata Senior Mens (75 kgs) Bronze Medlist, T.Lalchhuanpuia, Seniors Mens (55 kg) Gold medalist leh Joshua C.Lalrindika, Para Youth Boys (65+ kg) Gold Medalist te an ni a.
Vawiin hun hmanna ah hian Lawngtlai District Sports Committee Sr.Vice Chairman Pu Elvis Lalthangzuala pawhin thusawiin, infiammite'n hlawhtlinna an chan theihna tura hruaitute inpekna hi kan hriat hmaih fo thin a. Tun dinhmun in thlen theihna chuan pawh hi hruaitute vang ani a, zahna chibai buk a. An inpekna leh Thawhrimna te Medal hmanga ti lang chhunzawm zel turin Medalist te chu a ngen bawk ani.
Vawiin a 4th National Arm Wrestling &Para Arm Wrestling Championship 2026 RashtriyaRaksha University, Gujarata neih zawh taka District Sports Committee Chairman Pu Donny Lalruatsanga'n lawmpuina hun a hmanpui na ah hian District Sports Committee hruaitute mai bak ah Arm Wrestling Association Lawngtlai District hruaite te pawh an tel ani
