Mamit District Football Association Sr.Vice President Pu Lairokhuma Car in a chesual, a hmun ah a boral nghal
Rauthla 09.05.2026 (Inrinni) : Upa Lairokhuma (68) Mamit Field veng chu ama car khalhah chesualin nizan khan a thi a, vawiinah a ruang hmuh a ni.
Upa Lairokhuma hian Darlakah huan neiin tunlai hian a hnathawkte kaihruaiin ram a riak a. A kum te a tam ve deuh tawh bakah, a hriselnate a that vak loh avangin tiang hawlin a che ve hram hram thin. Pu Lairokhuma hi Kawrtethawveng khaw chhuak niin nupui fanau a neih hnua Mamit a pem an ni. Nimin zing khan Kawrtethawveng leh Kawrthah lama an chhungte tlawhin ama car khalhin a kal a. Nimin tlai lam dar 5:15 velah Kawrtethawveng atangin Darlak lam pan tumin amahin a let leh niin thu dawnna chuan a sawi.
Zan lamah a thleng tluang em tihte zawh tumin a chhung ten an call thin a, a phone a ring a, a pickup lo. Motor a khalh laklawh anga a chhang lo a nih an ring deh mai a, ngaihthat lohna em em nizan lamah chuan an nei lem lo. Tukin zing dar 7 velah a chanchin ngaichangin an call leh a, nizan lam ang thoin a ring a, a pickup lo. A huan lamte leh Mamit lama a chhungte an bia a, tuman a chin an hrelo. Zawn hna an thawk ta nghal a. Darlak leh Tuidam inkar Sabual lui kama waiting shed bulah a car tlan liamna niawm tak hnuhma hmuh a ni a. Kawng thlang meter 80 velah, Sabual lui kamah a car hi an zuk hmu ta a ni.
An zuk hmuh hian Upa Lairokhuma hi a lo thi khawng vek tawh a, Mamit Civil Hospital-ah a ruang hi postmortem niin zanin dar 6-ah an chenna inah vuina hunserh hman a ni anga, zanin vek dar 7-ah Biak inah thlahna hun hman a ni leh anga, thlanmual lamah vui liam nghal a ni ang.
Upa Lairokhuma hian fa mipa pahnih a nei a, nupui fanau an neih hnuah a fapate pahnih hi a chan ve ve tawh a, a tute pahnih leh a mo pakhat leh a nupui te nen Mamit field venngah an cheng a ni. An awmna Mamit field veng hi New Mamit VC huam chhung niin, Mamit Chhim veng YMA branch huam chhung a ni thung. Amah hi IKK (Kross Var) kohhran Upa a ni a, khawtlang tana mi tangkai tak a ni bawk,
