ALL INDIA FOOTBALL FEDERATION 'D' CERTIFICATE COACHING COURSE CHU VAWIIN ATANG KHAN SERCHHIP SPORTS COMPLEX AH TAN A NI.
Ruathla 09.06.2025 (Thawhtanni) : Mizoram Football Association buatsaih All India Football Federation 'D' Certificate Coaching Course chu tukin dar 7:00 AM khan Serchhip Sports Complex a hawnna neih niin, Pu Zomuana Hnamte, President, Serchhip District Football Association in a hawng a, June ni 14 thleng neih a ni ang.
Pu Zomuana Hnamte chuan Serchhip District Football Association in AIFF 'D' Certificate Coaching Course a thlen theihna tura hmala tu Mizoram Football Association chungah lawmthu a sawi a, Mizoram District hrang hrang atanga Coach 25 lo kalkhawmte chibai bukin tha taka an pass theuh theih nan duhsakna a hlan a, sum tam tak sen ngai a nih avangin tih takzet a training nei tura chah in an thiamna zirchhuah te chu Mizoram mai bakah India ram Football hmasawn zel nan a hmang tangkai turin a chah bawk.
He Coaching Course-ah hian Mizoram pum atangin mi engemaw zatin an dil a. Chung zinga mi 25 ten Training hi an nei dawn a. Instructor hi R Lalruatfela (AIFF Coach Educator) a ni a, Coordinator hi Lalhlupuia Hauhnar a ni.
Tukin/Vawiina All India Football Federation 'D' Certificate Coaching Course hawnna ah hian Serchhip District football Association hruaitu engemaw zat an tel bawk a ni.
