Basic Course for Scoutmaster hlawhtling taka neih a ni

 Basic Course for Scoutmaster hlawhtling taka neih a ni

Rauthla 09.06. 2025 (Thawhtanni) : Sports & Youth Services Department buatsaih, Basic Course for Scoutmaster, June ni 4 atanga State Training Centre, Tanhril-a neih chu vawiin tlai khan a kharna hun hman a ni.

        Training kharna hun hmanpuitu Pu H.Lalhmingthanga, State Chief Commissioner & Director, Sports & Youth Services Department chuan tunlai thalai leh zirlaite hmasawn theih nana Scouts & Guides pawimawhnate sawiin, he pawl kaltlang hian zirtirna chi hrang hrangte neih a nih bakah, midang tana nung turin he pawl hi din a nih thu a sawi bawk.

            Training hi Pu Lalngilneia Colney, Youth Welfare Officer, Sports & Youth Services Department & State Secretary, Mizoram Bharat Scouts & Guides kaihhruaia neih a ni a. Pu Lalthlanthanga, Organiser (S), SYS, Pu Zothansanga, Asst. Organiser (S), SYS leh Pu HC Lalrinhlua, Scoutmaster, Teacher, Tachhip High School te'n an tawiawm bawk.

        Training-ah hian District hrang hrang atangin zirtirtu 23 an tel a, Bharat Scouts & Guides inkaihhruaina dante leh School-a Scout & Guides din tura tul leh pawimawh hrang hrangte zirtir an ni a. Training hi an hlawkpui tlang hle a ni.

    

        Training kharna hunah hian Sports & Youth Services Department Officer-te an kal tha hle a. An ni bakah hian EMRS (Eklavia Model Residential School) Programme Manager Pu Lalhmingmawia Sailo chuan he hun hi a hmanpui bawk.