LAI DISTRICT CONGRESS COMMITTEE
HQRS; LAWNGTLAI
PRESS RELEASE No 2 of 2025
PU C.NGUNLIANCHUNGA KAN CHHUANG E, PU LALDUHOMA PAWH A THUSAWI ANGIN AWM VE TAWH RAWH SE
Dated Lawngtlai, the 18th June, 2025: Kan hriat theuh angin Lawngtlai By Pass Road laihna chungchangah tuten emaw Anti Corruption Bureau ah FIR an theh luh chungchnag kal zelah Lawngtlai West MLA ni lai chu a hming tih lan ve a ni a. Mizoram Chief Minister Lalduhoma’n LADC sorkar a nam thluk theih nana MNF MDC tute emaw a biakna thu leh hmalakna te Pu Nguna’n a sawi avangin CM thinrim thutin insum hman loin hnehchhiah tak leh chapo takin he thu buai hi a sawi chhuak a, “Anticipatory Bail la turin ka advice duh a ni” tiin a sawi nghe nghe a. Pu Nguna chuan Lawngtlai By Pass Road ah hian sum chengkhat mah a eiruk loh thu te, chutiang case a neih a hriat loh avanga Anticipatory Bail lakna chhan tur a hriat loh thu leh a lak loh tur thu a sawi kha kan la hre theuhin a rinawm. Chutiang tak chuan nimin date 17.06.2025 khan Special Court (Prevention of Corruption Act) Judge Pu F. Rohlupuia hmaa a inlan a. Pu Nguna hian Pu Lalduhoma hnena a lo sawi tawh angin Court a a inlan thleng khan Anticipatory Bail a la lo tluan zak a ni. Pu Nguna hi kum1988 ah Politics a lut tura sawm a ni a, Lawngtlai Bazar Veng VC Election ah Congress Party atanga thlan tlina ni a, vawiin thleng hian MDC leh MLA election ah pawh a la tla ngai lo a ni. Politics a a tlo na thuruk pakhat chu a thusawia a din ngheh tlatna hi a ni a. Pu Lalduhoma te anga vote duh avanga a tih theih loh tur hmanga mite laka beiseina siama intiam mai chi a ni ve lo. Vawiin thlenga a thu sawi anga Anticipatory Bail pawh la loa a awm hi Lai District Congress Committee chuan kan chhuang a ni.
Hetih lai hian Pu Lalduhoma Mizoram Chief Minister ni bawk hi a thusawi anga awm ve ngam turin leh mipui hnena a intiam ang te, kum 2023 election dawna, ZPM ten Candidate an puan laia, Pathian leh Mipui hmaa an intiam “Chhunglehkhat, mahni mi leh sa leh, mi dang tute pawh duhsak bikna lakah ka inthiar fihlim ang” an tih ang ngeia Mizoram rorelna hi kaihruai ve tawh turin kan phut a. Assembly House chhunga a sawi ngei pawh “Ka sawi a ni lo” ti tlat leh Dawt UC siam duh ve lo anga in sawi, a hnua dawt UC siam ve leh tho te, awmna hmuna thusawi dan dang tlat, Laiking ang maia awr-dum a, awr-sen ching kohhran upa ni si Mizoramin Chief Minister a tana kan nei hi a pawi kan ti takzet a ni. Chuvangin, Mizoram mipui ten danglamna kan hmuh awm chhun chu, nasa taka sum puk leh Pu Lalduhoma hmel leh sam danglamna chauh a ni hi pawi kan ti a, hetiang chuan ram rorelna ah dawt sawi reng chung chuan an sawi angin Pathian ram a thlen kan ring thei lo a ni.
Sd/-J.Rohlupuia
Genetral Secretary
Lai DCC, Lawngtlai.
