Lawngtlai District hmasawnna tur kawng ngaihtuah in Lawngtlai District Planning Committee thukhawm

LAWNGTLAI DISTRICT PLANNING COMMITTEE (DPC) THUKHAWM

Rauthla 09.06. 2025 (Thawhtanni): Vawiin chawhnu dar 2:00 PM khan Lawngtlai District Planning Committee chuan DC Conference Hall- ah thutkhawm an nei a. Pu Cheemala Siva Gopal Reddy, IAS, Lawngtlai bawrhsap leh Chairman, Lawngtlai District Planning Committee, nibawk chuan thutkhawm hi a kaihruai. 

       Pu Cheemala Siva Gopal Reddy chuan India Dânpui Article 275(1) hnuaiah  Tribal- te hmasawnna turin Sawrkarlaipuiin tanpuina,   a bik takin infrastructure, kawngpui siam that, tui in tur thianghlim pek, chenna In sak leh kawlpetha tha zawk pekchhuah kawngah kum tina  hma a lak thin thu a sawi a. Lawngtlai District- in hmasawnna a neihna tura  Lawngtlai District Planning Committee- in  theihtawp a chhuah thin thu a tarlang bawk. Article 275(1) hnuaia Grants- in - Aid chu tangkai taka hman a nih theihna tura theihtawp chhuah zel turin Lawngtlai District Planning Committee Member-  te a sawm nghal bawk. 

          Thutkhawmah hian Financial year 2025- 2026 inkara Lawngtlai District atanga Project Proposal lut 20 awmte chu sawiho a ni a. Project saimtu AH& Vety Department- 8, DMS,District Hospital, Lawngtlai - 1, Fisheries Department- 2, BDO Sangau RD Block - 3, leh Agriculture Department - 6 chuan an project sawifiahna leh sawizauna an nei a ni. Project Proposal lut 20 awmte hi Mizoram sawrkara Planning & Programme Impementation Departemnt hnenah DC Office kaltlangin thehluh a ni leh ang. 

               Pu R. Lalfakzuala, Research Officer, P&PID( RDB) leh Member Secretary, Lawngtlai District Planning Committee nibawk chuan Project proposal awm ang angah te Concept note felfai tak siam tur leh a hma lama Planning & Programme Impementation Departemnt hnena thehlut turin a chah a. Project kalpui leh hnathawhte tha taka lo enzui thin turin Lawngtlai District Planning Committee- te a sawm bawk. 

Vawiin thutkhawmah hian Lawngtlai District Planning Committee Member bakah sawmbik President, CYLA, Chairman, Joint Village Council, MUP leh LWA aiawhte an tel thei a. Pu Cheemala Siva Gopal Reddy, Lawngtlai Deputy Commissioner chuan lawmthu sawina neiin hun a khar.