MIMA ON IN MCAPEX BANK CHAIRMAN AN HMU.
Rauthla 05.06.2025 (Ningani) : Mizoram Merchant Association (MIMA) OB chuan, Pu Lalnunsanga, Chairman, Mizoram Co-operative Apex Bank Ltd. chu a Office-ah hmuin Trade licence leh GST chungchangah inkawm hona an neia, Chairman hi Mizoram Co-Operative APEX Bank Director, CEO, General Manager leh Chartered Account in an tawiawm a.
He inkawm honaah hian an bank atanga loan latute hnenah tunhnai hian AMC atanga an Trade License leh GST pekna hnuhnung ber document te pe tura an phutna ti tawp turin MIMA hian ngenna an siam ani.
Hemi chungchang hi MIMA chuan sawifiahin, AMC licence-ah hian Mizo hnam himna a awm lo an ti a, AMC trade licence a chhuah kum, kum 2012 atanga tun thlengin AMC Licencing Regulations chu him zo loa an la hriat reng thu an sawi.
Tin, AMC Licencing Regulations in a phut, heng- Voters ID leh Residential Certificate te hi Mizoram tih a ni lo a, India ram chhung khawi laiah pawh a hman theih avangin Mizoram Voter's ID leh Permanent Residential Certificate Of Mizoram hman ngei ni se an tih thu an sawi bawk a. 2years validity ILP an phut ngai loh chu phut turin an duh bawk thu an sawi. Hei bakah hian dawr inkhar chhawn emaw eng emaw dik lo a awm loh nan building neitu voter's ID phut turin an ngen bawk ani.
GST Council Of India chuan kum khat a 20 lakhs turnover nei lo tan GST register a ngaih loh thu a sawi angin sumdawng tam takin register lo an awm a. Hengte avang hian Mizoram Co-operative Apex Bank Ltd. in loan late hnen a AMC trade licence leh GST pekna hnuhnung ber an phut chu ti tawp turin an ngen a ni.
