MSU hruaitute'n MPSC hnuaia hnalak State Tax Officer leh Co-operative Audit Officer result chhuak har chungchang MPSC Chairman leh Secretary te zawtfiah
Rauthla 16.06.2025 (Thawhtanni) : Vawiin 16th June 2025 (Thawhtanni) khan MSU hruaitute chuan Mizoram Public Service Commission (MPSC) Chairman leh Secretary hmuin, hnalak exam result tihchhuah har chungchang an zawtfiah a ni.
MSU hruaitute chuan nikum (29th July 2024 & 31st July 2024) a State Tax Officer leh Co-operative Audit Officer lak tawh thla-10 hnu pawha exam result la chhuak lo leh, Common Competitive Exam nikum (17th Dec. 2024) a exam tawh result la chhuaklo chungchang chu MPSC Chairman leh Secretary hnenah hian an zawtfiah a. Mizo Thalai exam beituten hna dang an exam lehna tur kawngah harsatna a siam avangin, heng exam result te hi a rang thei ang bera tichhuak turin an ngen a ni.
MPSC Chairman hian heng hnalak kal mekte hi Evaluator lamah harsatna tlemte an neih avanga tichhuak har an nih thu a sawi a. Karleh ni 27th June 2025 (Zirtawpni) ral hmaa Exam result tihchhuah an tum ngei thuin alo chhang a ni.
MSU hruaitute chuan MPSC hotute thu hi ngaihchan hmasak tha ati a. Karleh ni 27th June 2025 ral hmaa exam result hi a chhuah ngei an beisei a, an ngaihven reng dawn a ni.
