Rauthla 09.06.2025 (Thawhtanni) : Mizoram Universal Healthcare Scheme (MUHCS) hnuaiah state pawna inenkawl tura thawn (refer) mi 204-te inenkawlna senso chu an inenkawlna damdawi-in hnenah pek a ni tawh.
Thu dawnna in a tarlan danin, MUHCS hman tan a nih atangin Mizoram páwna empanelled hospital hrang hrangah mi 689 thawn an ni tawh a; thenkhat chu inenkawl zo tawh an nih laiin, inenkawl mek eng emaw zat an la awm. State pawna inenkawl mi 689 zinga mi 204-te enkawlna senso cheng vbc. 1.89 chu an awmna damdawi-in hnenah pek tawh a ni. Mizoram chhunga private hospital leh day care zinga pakuain MUHCS an zawm tawh a; chu'nga inenkawl damlo 1,274-te enkawlna senso chu damdawi-inte hnenah pek a ni tawh bawk.
Hetih lai hian, sorkar hnathawk, pensioner leh PMJAY benificiary ni lo zingah May 4, 2025 (Nilaini) thleng khan MUHCS-ah chhungkua 5,082 an inziak lut tawh a, PMJAY benficiary mi 2,16,584 an awm bawk. PMJAY beneficiary-te hi a hranpaa inziah luh a ngai lo.
Sorkar hnathawkte chu MUHCSah ziah luh vek an ni a, an hlawh zat azirin thla tin sum an thawh a, an hlawh atangin lak then (cut) a ni thin. Sorkar hnathawk pension tawhte tan MUHCS a inziah luh leh inziah luh loh chu an duhthlanna a ni a, May 4, 2025 thleng khan mi 8,008 an inziak lut tawh a ni.
Lawngtlai District ah pawh sorkar hnathawk leh sorkar hnathawk lo eng emaw zat in ziak lut an awm tawh a. Lawngtlai bik ah chuan Lawngtlai a Hospital pathum kan neih District Hospital, Lawngtlai, Lairam Christian Medical Centre leh Christian Hospital, Lawngtlai ah te MUHCS hi a hman vek theih a ni.
