SAIRANG LEH HORTOKI INKARAH CHAK TAKIN REL TLANTIR CHHIN DAWN -
Rauthla 04.06.2025 (Nilaini) : Vawiin June ni 4, 2025 Nilaini hian Sairang leh Hortoki inkarah chak takin rel tlan tir chhin a ni dawn a. Rel kawng bula cheng tumah leiverh leh rel kawngah awm lo turin hriattir an ni.
Sairang to Hortoki Railway station inkarah chawhnu dar 1 atanga tlai dar 6 inkarah a chaka tlan chhinna (speed trial) hi neih tura ruahman a ni.
Speed trial hi tum thum neih tur a ni dawn a. A hmasa ber atan Sairang leh Hortoki inkarah darkar khata kilometer 50-a chakin tlan chhin a ni ang. A vawihnih nan, darkar khata kilometer 75 a chakin tlan chhin a ni leh anga, a vawithum nan Sairang atangin Hortoki lam panin, darkar khata kilometer 110-a chakin tlan chhin leh tum a ni.
He speed trial hun chhung hian rel kawng hnaiah leh rel kawngah bungrua leh thil dang engmah hnutchhiah loh tur a ni.
-Vanneihthanga-
