1st National Star Expo - Zorun Event buatsaih chu Pu N.Zangura LADC CEM chuan mipuite tlawh theih turin a hawng
Rauthla 03.July,2025 (Ningani) : Nimin khan Lai Autonomous District Council a Chief Executive Member Pu N.Zangura chuan, Zorun Event buatsaih 1st National Star Expo chu Central YLA Hall Lawngtlai-III ah mipuite chhim theih turin a hawng.
Pu N.Zangura chuan, Mizoram hma-sawnna in kawng hrang hrangin min run chho mek zel a. Chumi rual chuan |halaite zingah lehkhathiam pawh an pung chho vel zel bawk a. Nimahsela, kan lehkhathiam tam tak te sawrkar ah an innghat a, sorkar hna chauh emaw eizawnna ti an awm bawk a. Chung mite chu sorkar hna in a daih loh avangin, a tawp ah thatchhiatna avangin an nun a beidawng a, an nunna hial la thalaite zingah an awm hi a pawi hle a ni, a ti a. Chuvangin, sorkar hna chauh ni lo eizawnna a awm tih lehkhathiam zawk \halaite tan hian a awm tih hria ila. Chu kawng zawh tur erawh chuan taimak kan chhuah a ngai a ni, a ti bawk.
Pu N.Zangura chuan, keini hnam hi vawi lehkhat ah hausak thut hi kan chak a, chu chuan kut tling lova sum lak luh duhna thinlung min neih tir a. Hei hi min siamtu duh loh zawng anih avangin kan tih loh ngam pawh a tul hle a. Mahni kut kawih ngei a mi hausa te nun hi a tlo a, an entawn tlak a, heng mite hi kan entawn a, thianghlim taka sumdawnna kan kalpui thiam pawh hi a tulin a hun tawh tak zet a ni, a ti a. Kan awmna District hi International Boundary a ni a, ram dang atang te pawhin sumdawnna nasa takin kan kalpui chho mek a ni a. Ram dang mite nen sumdawnna kan kalpui kawngah erawh fimkhur a ngai hle thung a ni, a ti.
International Star Expo buatsaih ani chu lawmawm a tih thu sawiin, stall nghaktu atan Lawngtlai a tleirawl eng emaw zat ten inhlawhna tha tak an nei thei te, kan kawt kai ngei a sumdawng lian te dawr theih a an awm chu lawmawm a tih thu leh star expo chu hlawhtling taka a kal theihna turin duhsakna a hlan bawk a ni.
1st National Star Expo hi Central YLA Hall, Lawngtlai-III ah buatsaih a ni a. He expo hian tun thla chhung a awh dawn a. A chhung luh man atan Rs 20/- niin Hall chhungah chhungkaw mamawh hrang hrang lei tur a awm bawk a ni.
