CADC chungchanga ZPM sorkar rilru put dan
BJP-in hrethiam lo
Rauthla 11.July,2025 (Zirtawpni) : Nimin (10.07.2025) khan BJP Mizoram Pradesh chuan Aizawl Press Club ah chanchinbute kawmna hun neiin, Chakma Autonomous District Council (CADC) chungchang leh Home Minister Pu K. Sapdanga press statement chungchang sawifiahna hun an nei.
Sixth Schedule to the Constitution of India hnuaia hian hmarchhak State a Tribal te mahni a inrelbawlna tur Autonomous Council 10 a din a, Mizoram bik ah chuan Autonomous District Council 3 awm in- Mara, Lai leh Chakma Autonomous District Council te an ni. India Constitution chuan Mizoram Governor hnena 20 BB (Sixth Schedule) hnuaia ADC te chunga Discretionary power pe in, Mizoram Governor post lo chelh tawhte chuan he thuneihna hmang hian vawi tam tak ADC te chungah hian thutlukna an lo siam tawh \hin ani, an ti.
Hetiang Politics nghetlo a awm reng avang leh sawrkar hnalak diklo tam tak a awm avangin- CADC area a Civil Society Organisation lian ber pathum 1. Central Young Chakma Association (CYCA) 2. Central Mizoram Chakma Students Union (CMCSU) leh 3. Central Chakma Mahila Samiti (CMS) te chuan 12th June, 2025 khan Mizoram Governor General V.K. Singh chu hmuin- CADC a Sawrkar suspend tur leh sawrkar hnalak diklo leh financial mismanagement chung-chang chhui turin One Man Inquiry Commission din turin an ngen a, heng mite vek hian a tuk 13th June, 2025 a Mizoram Chief Minister Pu Lalduhoma chu hmu lehin CM hnenah pawh hian ngenna an siam leh bawk ani, an ti bawk.
Governor hian 7th July 2025 khan ngun taka CADC mipui te ngenna a ngaituah hnuin Mizoram Governor chuan CADC chu Indian Constitution in thuneihna a pek angin Governor Rule ah thlaruk (6 Months) atan a dah ta ani. Hemi thlaruk chhung hian CADC Sorkarna ah an thil tih diklohte a awm chuan lo en a, Lawngtlai DC enkawlna hnuai a siamthat hna thawk turin thu a pe ta ani, an ti a.
Mizoram Governor thuthlukna hi CADC mipui tam zawk chuan \ha an tih em em laiin 8th July 8, 2025 khan Mizoram sawrkar a Home Minister hna thawk mek Pu K. Sapdanga leh a hote chuan Press Conference neiin - Mizoram Governor thuthlukna chu Democracy palzut na hial a puhin- a thutlukna siam tawh sut leh tura an ngen ta mai hi- keini BJP Mizoram Pradesh chuan hriatthiam har kan ti hle a, hetiang a State khat a Constitutional lu ber kan Governor chu national media te hma a diklo taka an puhchhe ta mai chu pawi an ti hle.
December, 2024- BJP in CADC a Sawrkarna kan siam dawn khan Chief Minister leh DC&MA Minister te chuan Governor hnena- CADC chu dissolve an duh thu te thlenin, Governor rule a dah turin anlo ngen taw a. Kum khat pawh a ral hma a, CADC a ZPM an sawrkar tir duh avanga an thu an thlak leh ta mai hi mak kan tiin, ZPM hian Corruption a inhnamhnawih te humhim a, rorelna khawl a dah luih tlat an tum ta mai hi an Party slogan nen a in hmeh lo hle ah an ngai bawk ani.
Mizoram a hian Governor ah mi hrang hrang an lo \hu tawh a, ADC bika hian Constitution in thuneihna a pek angin an thuneihna an lo hmang tawh \hin ani. ADC chungchanga Governor thuthlukna, State Cabinet Ministers lo ni tawh ten Press Conference meuh ko va Governor thuthlukna an sawisel kan la hre ngailo. BJP Mizoram chuan Governor thuthlukna hi a zahawm kan ti a, CADC area a Civil Society Organisation te duhdan ang thlap a a kalpui hi mipui zahna dik taka kan ngai a ni. BJP Mizoram Pradesh chuan corruption kan do zia lantir nan Governor hian CADC mipuite ngenna angin Inquiry Commission din se, sawrkar kalta a mi corrupt leh thil diklo ti zawng zawngte chhuitir a, a mawhphurtu te chu dan anga hrem ngei ni se tih kan duh ani, tiin thuthar thehdarhtute hnenah hian an sawi.
