Rauthla 03.July,2025 (Ningani) : Vawiin khan Dr.Lorrain Lalpekliana Chinzah, Adviser to CM (H&FW, Agriculture) leh Lawngtlai East Bialtu MLA nibawk chuan a bial chhunga zirlai ti tha mi paruk te hnenah lawmpui thuziak leh Laptop Computer chu Lawngtlaia a pisa ah a hlan
Dr.Lorrain-a chuan, Zirna ah mitin mai te kan inel tawh a. Hetianga result tha tak nei thei tura mi thawkrimte hi chawimawi an phu hle a. Chumi rual chuan heng chawimawina phen ah hian hlawhtlinna sang zawk chang chhunzawm zel turin duhsakna a hlan a, zirna kawng an zawhna kawngah harsatna i nei anih chuan theihtawp chhuahin tanpui dan kawng kan ngaihtuah ho zel ang a. Tuna in hlawhtlinna hian midangte chona petu nise a duh thu a sawi.
Dr.Lorrain-a chuan zirna kawngah leh kan thil tihna kawng hrang hrang a hlawhtlinna kan chan zel theihna tur kawng pathum a awm a. Pathian \ih a, taimak kan chhuah a, tumruhna kan neih hi a pawimawh em em a. Chu kawng thum kan zawh thei anih ngat chuan hlawhtlinna leh Pathian malsawmna hi kan dawng zel dawn a ni, a ti.
Lawngtlai East Bialtu MLA chuan, MLA inthlan dawn ah ZPM party chuan Zirna a ngaih pawimawh tur thu te, hriselna kawnga hmasawnna a awm theihna tur leh kut hnathawktute’n eizawnna kawng ah dapna ah sorkar in theihtawp chhuah a ngaihpawimawh an nih tur thu kan sawi chu, a takin kan lan chho tir zel dawn a ni, a ti bawk.
Zirna a hlawhtling chawimawina thuziak leh Laptop a hlan te hi HSSLC leh University result chhuah Graduate a Top 10 a lang te an ni a. Chungte chu : Lalramengmawii Lawngtlai Chandmary (HSSLC top 8), R. Lalngaihawmi Lawngtlai New Vengpui (1st Rank - Dept of Commerce) C.Vanhmingliani Lawngtlai New Vengpui, (5th Rank -Dept of Bio-Chemistry) Lalhriatkimi Lawngtlai Chandmary (4th Rank- Dept of Computer Science), C.Lalhriathlui Lungtian-II (7th Rank, Dept of Geography), Ramengmawii South Lungpher (5th Rank Dept of Economics) te an ni.
