Rauthla 10.July,2025 (Ningani) : Hnahthial District Excise & Narcotics Department ten an thudawn bawhzuia tlaivara an duty hnuin tukin zing dar 03:55 khan Gate tlang, Bazar Vengah zu litre 249 an man.
Zu hi a neitu ni a puh Pu Lalbiaktluanga (kum 38) s/o Laltanpuia (L), Phunchawng Mel-8 hnen atanga man a ni a. Zu hi an man hian polythene bag 24-ah litre 10 theuhva fun niin plastic bottle pakua (9) ah litre khat theuhva dah a ni bawk. Zu phurna motor, Wagon R, MZ-01-AD- 8855 chu man nghal bawk a ni.
Zu neitu ni a puh leh an thil mante hi court a lan turin Lungleiah lamah thawn nghal an ni.
