Rauthla 23.July, 2025 (Nilaini) : Vawiin khan Gauhati High Court, Aizawl Bench chuan Lai Autonomous District Council chungchang chu a vawi li-na atan ngaihtuah chhunzawm leh a ni a. Ukil ten court a an thu thlen hrang hrang te ngaihthlak ani a, court a an thu thlen tur ang ang te thlen niin thutlukna pawh Court hian a siam thuai tura beisei a ni a. Engtik hun ah nge court thuchhuak hi hriat anih dawn rawh a la Chiang lo ani
LADC a Chief Executive Mermber lo ni tawh, tuna ZPM, MDC nilai Pu V.Zirsanga chu kumin February 27 khan CEM atan lakluh niin, a kaihhruai LADC a ZPM Sorkar chuan Budget Session pawh kumin April 17 atanga 22 chhung khan neiin, Budget pawh passed a ni a, Budget erawh dan kalh a passed ni a sawiin Governor in a pawmlo.
Hemi hnu hian BJP leh MNF ten an din United Democratic Alliance chuan LADC ah Sorkarna an siamthei tih Governor hnena an thlen hnu ah an hruaitu M.Kawnpui bialtu MDC, BJP hruaitu Pu N.Zangura chu kumin May 8 khan CEM atan lakluh a ni.
ZPM Sorkar a CEM Pu V.Zirsanga chuan CEM atanga paih a nihdan ah dan palzutna a awm ni a hriain, dikna humhim a nihtheih nan hma la turin High Court ah a thlen a,
Gauhati High Court, Aizawl Bench chuan he thu hi kumin May 15, June 10, July 16 leh vawiin July 23 ah te an ngaihtuah a, thu tlukna mumal tak court in a rawn tichhuak thuai tura beisei ani.
High Court thukallai a awm vangin LADC ah hian Sorkar mumal a kalthei lova, tuna CEM nilai Pu N.Zangura pawh hna thawk theilovin dah mek a ni a, thawktute hlawh erawh pek ani a, a bak budget a awm loh avangin hna tak tak thawh theih ani lo ani.
