Rauthla 11. : Vawiin ni 11th July 2025 (Zirtawpni) tlai dar 3:00 khan MSU General Headquarters hruaitute chuan Pu TBC Lalvenchhunga Adviser to CM (Finance) chu a Pisaah an hmu a, CSR leh 80G certificate hman dan tur chungchang an sawipui.
MSU hruaitute chuan Pu TBC Lalvenchhunga hnenah hian kan ramin Company hnathawkte hnen aṭanga Education lam tihhmasawnna atana CSR hman ṭangkai lehzual dan tur an sawipui a. Kan rama Hnam dang Company hnathawk an tam ngaihtuahin CSR kan hmang ṭangkai lo chu pawi an tih thu an sawi a. MSU chu CSR hmang thei turin 12A leh 80G nei anih avangin Mizoram sawrkar leh company liante tan pawh thawhpui ṭha tak an nih theih thu an sawi a ni.
Tin, MSU hruaitute chuan GST pelo dawrkai sumdawng leh contractor an awm fo chu veiawm an tih thu an sawi a. Hengte ho dapchhuah a, GST an pek theih na tur in hmalak dan kawng an sawi dun a.
Pu TBC Lalvenchhunga chuan MSU te thil sawi hrang hrang chu ZPM Sawrkarin a ngaih pawimawh leh hma alak mekna a ni a. Theihtawp an chhuah zel tur thuin alo chhang a ni.
