Rauthla 17.July,2025 (Ningani) : Nimin July 16, July 2025 (Nilaini) chawhnu khan MSU General Headquarters buatsaihin Aizawl chhunga College SU Leaders Graduate tharte lawmpuina leh Leadership training, ZTS Picnic Spot (Kelsih) ah neih a ni a. Pu TBC Lalvenchhunga MLA, Adviser to CM (Finance) chuan Special Guest niin a hmanpui.
He hun a Special Guest Pu TBC Lalvenchhunga MLA chuan Zirlai kalkhawm te chu harsatna pumpelh zawnga ke pen lovin, hmachhawn ngam turin a fuih a. Tunlai khawvelah harsatna hmachhawn ngamlo, pumpelh kawng zawng ṭhin an tam thu sawiin, chung ho chuan tuarna piaha hlawhtlinna awm chu an thlen zawhloh fo thu a sawi. Tin, thil tak tak buaipui leh tuipui turin Zirlaite chu a fuih a. Mahni nihna tak tak nilo va, Social media khawvel hmaa inpho chhuak a, mahni nihna tak zahpui ta mai mai an tam chu ṭhalo a tiin, chutiang ang mi nilo turin a chah bawk a ni.
Pu TBC-a chuan College SU Leaders ni tawh ho reng reng chu an hma hun atan Social Service lamah experience an neih tawh sa avangin, mihring nunhona leh pawlah mi hmantlak an ni chhunzawm tlangpui tih a sawi a. Chutihrualin, mahni pawl chhung piahlam anga thil thlir pawh zirtel turin a chah bawk a ni.
