Chin State (Myanmar) ah remna leh muanna a awm theihna turin a huhova hmalak tum

Rauthla 08.08.2025 (ZIrtawpni) : Vawiin August 8, 2025 (Zirtawpni), hian Mizo Zirlai Pawl(MZP) Conference Hall-ah Zo Re-Unification Organisation(ZORO) huaihawtin Chin State (Myanmar) chhunga Zofa MP leh MLA ten inkawmkhawmna hun an nei a. He hun hi Pu R. Sangkawia President ZORO in a kaihruai a ni. Inkawmkhawmnaah hian tunlai Chin State boruak chỉ hrang hrang thlirhona neih a ni a, a hnuaia mi ang hian thu rolum siam a ni.

"Chin State (Myanmar)-a kan unaute inkara inhriatthiam lohna awm avanga ralthuam hial chelek a ni kha pawi kan tiin kan dem takzet a, tun hnuah thleng leh tawh lo se kan ti a. Chin State (Myanmar)-a kan unau inkara remna leh muanna a awm theih nan a huhova hmalak chhunzawm zel nise kan ti".