Mizoram Cooperative Apex Bank Ltd Board of Directors Meeting neih a ni

 Rauthla 08.08.2025 (Zirtawpni) :  Vawiin khan Mizoram Cooperative Apex Bank Ltd Board of Directors Meeting chu Pu Lalnunsanga Chairman, (MCAB Ltd) kaihhruaiin, Board Meeting Room, Head Office, Tuikual South-ah neih a ni.

Meeting-ah hian July Ni 31 a, Bank day vawi 44-na hun hman dan te thlirlet niin, International Year of Cooperative puala Blood Donation Camp neih te, mipui veivahna a thlawna Aizawl leh Branch awmna hmun hrang hranga an ruahmansak thei te leh mipui support duhawm tak an dawng thin chu lawmawm an tih thu Meeting chuan lungrual takin an pawm a ni.

Vawiina Meeting hian Loan hrang hrang;- Handholding, Society, Kohhran leh mimal loan dilna 116 pek an remti a. Heng te hi Biak In sakna loan, cheng Nuai 2660 leh loan chi hrang hrang, cheng nuai 2440 niin, avaia loan an sanction zat hi cheng nuai 5100 a ni.

Tun dinhmunah  Mizoram Cooperative Apex Bank Ltd. ah hian, thawktu 226 leh vengtu (Security) 97 an awm mek a ni.