Rauthla 11.08.2025 (Thawhtanni) : MZP General Headquarters chuan ni 6thAugust, 2025-a NESO (North East Students Organisation) meeting-a a lo rel tawh, State tin a zirlai pawl ten UPSC zir tur Candidate mi 2 theuh, an State theuhah thlang chhuak se, tia an thu dah chu vawiin August 11, 2025 chawhnu dar 3 khan a ngaituah a, NESO duh dan hi tihhlawhtlin ngei nise, a tul angin MPSC lam thawhpui nise kan ti a, chuta state aiawh tur thlan chhuah hming te chu NESO-ah ni 25h August, 2025 ral hma in theh lut tura tih a ni.
Heng thlan chhuah te hi NESO hmalakna in DELHI NEXT IAS Institute-ah Coaching kal tura thawn an ni dawn a, heng zir tura thawnte Admission leh Coaching Fee zawng zawng hi NESO in a tum vek dawn a, tin Stipend pawh thla tin Rs.12,000 a pe ziah dawn bawk. Candidate-te Transportation senso erawh anmahni an in tum tur a ni a, stipend an dawn hi Accommodation leh Food-ah an duh chuan an hmang thei dawn a ni. Coaching Class hi ni 1tSeptember, 2025-a tan tur a ni bawk.
Hetiang lama tui mi kan awm a nih chuan ni 18th August, 2025 hmain MZP Office, Treasury Squareah RESUME theh luh tur a ni a, Written leh Personal Interview neih hun tur hi in in hrittir leh a ni ang.
NESO Meeting chuan North East State-ah Bangladesh atanga pem lut tam lutuk chu ngun takin an sawiho a, India Home affairs pawhin heng ho hi State sorkar ten lo endik a, hnawtchhuak zel tura thu a pek hnu ah pawh Assam tih loh State sawrkar dang ten hma an lak chak loh em avangin NESO chuan North East State hrang hrang ah ni 18th August, 2025 (Thawhtanni) hian SIT IN PROTEST neih theuh nise tiin a rel a, hemi ni hian State CM te theuh hnen ah Memorundum theh luh theuh ni se a ti bawk a. NESO chuan hemi ni vek hian Home Minister leh Prime Minister hnen ah Memorundum hi a theh lut ve dawn bawk a ni. Protest hi State sorkar theuh in Bangladesh Illegal immigrants te lo thliar a, lo hria a, hnawt haw tura phut na a ni.
