Pu N.Zangura, M.Kawnpui Bialtu MDC chu LADC CEM atan lakluh ani ta
Rauthla 18.08.2025 (Thawhtanni) : Vawiin August 18, 2025 hian LADC Hall-ah 11th Lai Autonomous District Council, Chief Executive Member atan M.Kawnpuo Bialtu MDC Pu N.Zangura chu Additional DC Pu David Lalrinawma, MCS chuan rinawmna thutiam tirin a lalut.
Pu N.Zangura chuan, tun term ah harsatna hrang hrang kan tawk a. Hei hi Pathian rem ruat ani kan ti lo thei lovang a. A hun taka Pathian in thil tha zawk te min buatsaih sak hi Pathian thil tih ani kan ti thei bawk ang, a ti a. Politics ah chuan party hrang hrang atangin theihtawp kan chhuah thin a, hmun khat ah a awm vek theih loh ani. Tun term kal mek ah pawh ZPM ten theihtawp chhuahin sorkarna siam tum mahse, Pathian remruat anih loh chuan awmzia a nei lo tih chiang takin kan hmu thei ani. Keini ho hi kan fel vang emaw kan that vang lam ni lovin Pathian in kan tan hun a rawn ruat a ni a, theihtawp kan chhuah zel dawn ani, a ti bawk.
Pu N.Zangura chuan, rorelna dik a awm theihna turin High Court ah te kal ani a. Tichuan, a tawp ah dikna a lo lang a, kan Larsap pawhin CCB Rules hnuaiah dan dik thlap in kan sorkar theihna turin hma a la a, hna a thawk ani, a ti a. Tuna Mizoram sorkar pawhin harsatna engmah siam lova, kan sorkar lo piang tur min pawm sak te pawh hi a lawmawm tak zet ani, a ti bawk.
Pu N.Zangura chuan, tunlai ah Media ah te kan hmu a, eirukna avangin mi tam takin an hna atangin an bang a, tan In hial te pawh an lut a ni. Chumi lak atang chuan kei pawh theihtawp chhuaha fihlim turin tan ka la dawn a. Ka chanpual bak hi chu siki sen pawh lak ka tum lo a ni, a ti bawk. Kan ram leh hnam a lo dam a, hma a sawn theihna tur chuan kan tih dan thin thil tha lo zawng zawng te kha kalsan ila, a dawngtu leh a hmu tur dik tak ten an chanvo an hmuh theihna turin tan kan la ang a. A dik lo chu hnawl ngam tur khawpin kan huaisen tur ani, a ti a. Sum leh pai kan neih ang ang te ram leh hnam hmasawnna turin dik takin kan hmang ang a. Rinawm leh dik takin ram leh hnam tan i thawk ang u, tiin a thawhpui te leh District Council Staff te a sawm bawk ani. Hemi hnu hian a thawhpui turte a puang nghal a. Heng mite hi an ni.
2. Pu C.Rongura - Vathuampui
3. Pu C.Lalsawmzuala - Chandmary
4. Pu Andrew Laltlanzara - Chawngte
5. Pu Lalropuia Chinzah - Bazar
6. Pu L.Daniela - Bualpui Ng - East
7. Pu C.Hrangthianga - College Veng
8. Pu HC.Lalthawmliana - Diltlang
9. Pu H.Lalmuansanga - Tuithumhnar - te an ni.
Dt 19.Aug,2025 dar 12:00 noon hian Pu N.Zangura hi buk a ni ang.
