Rauthla 19.09.2025 (Zirtawpni) : Vawiin hi Lairam Christian Medical Centre (LCMC) dincham vawi 24-na a ni a. Hemi pual hian Medical Board chuan mipuite tan a thlawn a in entirna a buatsaih dawn a. Inentirna hi zing Dar 10:00 Am atangin tlai dar 4:00 Pm thleng in entirna hi hun hman a ni ang.
LCMC Medical Board in an ruahman dan in in entirna man hi a thlawn vek a ni ang a, damdawi pawh a tam thei ang ber a thlawn a sem tur a ni ang a, tul bik erawh chu damdawi dawr atanga lei tur a ni ang. Tin, casualty a damlo buaipuina zawng zawng pawh a thlawn vek a ni ang a, khawl hmanga enna man leh thisen test-na man, CT.Scan, X-Ray, ECG, Ultrasound, Laboratory etc te chu a thlawn vek ni lovin, a man pangngai atangin 50% discount tur a ni bawk ang. Ha phawi leh ha entirna man pawh a thlawn vek tur a ni dawn a ni.
LCMC Medical board te hian vawiin vek hian a thlawnin bus an service tir bawk dawn a. Zing Dar 9:00 atangin Thingkah panin Bus a tlan ang a. Thingkah atangin a lo let leh ang a. Dar 1:00 Pm ah Hospital (LCMC) atangin Bazar thleng a tlang leh ang. Dar 4:30 pm ah Hospital atangin Bazar thleng a tlan leh ang.
Lairam Christian Medical Centre hi September 19, 2001 khan damdawi zawrhna a bultan a hawn a ni a. Lawngtlai Bazar ah hun eng emaw chen chu kalpui a ni a. Tichuan, hospital changtlung zawk a awm theihna turin tuna an awmna hmun ah hian Hospital puitling kalpui a ni a. Tunah hian Building pali Main Building, FJ.Raper building, Tuma Building leh Bursing School te a awm mek a ni.
Tun dinhmun ah hian LCMC ah hian Doctor pariat an awm mek a, Speciallist pahnih awm in, Specialist mi pahnih in an zir mek bawk a ni. Nurse 48, Technician 12, Pharmacist 1, Seller 7, Office staff 8, FA/GDA 13, Driver & Conductor 6, Fourth Grade 25 an awm mek a. General Medical Ward khum 20, Peadiatric Ward ah khum 11, Surgical ward ah khum 12, Maternity Ward ah khum 5, Cabin a khum 22, Casualty ah khum 3 (Total 73) a awm mek bawk a ni.
Lairam Christian Medical Centre hian Mizoram Universal Health Care Scheme chu an kalpui a. An hosptial kaltlang hian mi engemaw an in register a, he Health Care Scheme (MUHCS) hi mi 814 in hmang tawhin an bill Rs 1,44,78,700 chu sorkarin in bill a pe tawh bawk a ni.
