Rauthla 11.Sept, 2025 (Ningani) : Vawiin hian Deputy Commissioner Office Lawngtlai bultumin ' District Level Orientation on Adi Karamyogi Abhiyaan' chu DC Conference Hall- ah neih a ni a. Pu Donny Lalruatsanga, Lawngtlai Bawrhsap leh Chairman, District Level Commitee on Aadi Karamyogi Abhiyaan, nibawk chuan a kaihruai.
Pu Donny Lalruatsanga chuan, Ministry of Tribal Affairs hian Tribal area a chengte’n hriselna tha, zirna tha, hmasawnna ruhrel tha leh Schemes pawimawh hrang hrangte chu Tribal area chengten a taka tangkai taka an chhawr theihna tura hmalak hi sorkar laipui hian a ngaipawimawh hle a. Chumi atan chuan Aadi Karamyogi hi a kalpui a, hemi in a tum ber chu Visksit Bharat (Developed India) 2027 a ni a, hemi a hlawhtlin theihna tura theihtawp chhuaha hmalak hi a ni, ati.
Bawrhsap chuan he Abhiyan hlawhtlinna turin District leh Block Level Master Trainers bakah Line Department - ten mawhphurhna lian tak an nei tih tarlangin, a taka mipuite hnena hnathawk tur an nih ang a theihtawp chhuah turin a chah a, Abhiyan- hnuaia hmalakna kawng hrang hrangte chu a hun taka report pe thin tur leh Tribal Area tana hamthatna awm angte a tam thei ang bera dawn a nih theih nan Master Trainers, line department leh mipuite thawkho zel tura chahin, Lawngtlaia District - ah hlawhtling taka kalpui a nih ngei a beisei thu a tarlang bawk.
Adi Karamyogi Abhiyaan- hi Lawngtlai District - a khua 73- ah kalpui tura ruahmanna siam a ni a. Pu JR. Lahruaitluanga, DEO, District Master Trainers, leh Pi Lalramliani, ARDO, District Master Trainers - te hnen atangin thutawi ngaihthlak a ni bawk a. District Master Trainers -5 ten line department hrang hrang kalkhawmte hi Aadi Karamyogi Abhiyaan' - a taka kalpui dan tur (Practical Work) an neihpui nghal a ni.
