LAWNGTLAI DISTRICT SKILL COMMITTEE THUKHAWM
Lawngtlai, 21st October 2025 : Vawiin khan Lawngtlai District Skill Committee (DSC) chuan an Chairman leh Bawrhsap nibawk Pu Donny Lalruatsanga kaihruaiin a Office Chamber-ah thutkhawm an nei.
Pu Donny Lalruatsanga chuan, Hnathawh leh ei zawnna mila thiam thil chhawr tlak leh chhenfakawm inzirtirna leh inkawhhmuhna (skill training) buatsaih chu thil pawimawh tak a nih thu a tarlang a. Mahni department zawnah District ṭhalaite leh kut hna thawktute tana 'skill training' buatsaih tur ruahmanna ṭha tak duang turin member kal khawmte chu a fuih a. A bik takin kum 2025- 2026 chhungah hmalakna tura ruahmanna awmte a hun taka DC Office lama thehlut turin line department - te a chah nghal bawk.
Thutkhawmah hian line department - hrang hrangte chuan mahni hmazawn theuhah theihtawp chhuah ni se, an ti a. District Skill Development Plan - felfai tak siam a nih theih nan a hun takah 'format' awmsa hmanga skill training - awm thei ang angte chu DSC-ah proposal November thla chhungin theh luh ni se an ti a. Proposal - lut te chu a tul anga thlitfim a nih hnuah Mizoram sawrkara Labour, Employment, Skill Development and Entrepreneurship (LESDE) Department - lamah theh luh ni se, tih a ni.
Vawiin thutkhawmah hian District Skill Committee Member - te an telkim tha hle a, Pu Donny Lalruatsanga chuan lawmthu sawina neiin hun a khar.
