Phawngpui National Park a tlawh theih leh ta, tlawh tur te tana hriattur pawimawh
Rauthla 01.11.2025 (Inrinni) : Nungchate inthlahpun hun a her liam a, thlasik hun thengthaw a lo her chhuak leh dawn ta a. May Ni 1 - October 30,2025 thleng tlawh theih lohva khar mek, Phawngpui National Park chu November ni 1, 2025 atang hian Vantlang tlawh theiha hawn ani leh ta.
Phawngpui National Park tlawh theih tura hawn anih rual hian Deputy Conservator of Forest, Chhimtuipui Wildlife Division, Lawngtlai chuan a tlawh tu te hriat tur hetiang hian thuchhuah a siam a.
1. Lun phalna (Entry permit) nei hmasa lovin Phawngpui National Park hi luh phal a ni lova. Entry Permit hi Thaltlang a Reception Counter ah entry fee pe in a lak theih ang. Tul bik thil ah DCF, Chhimtuipui Wildlife Division leh a bialtu RO hnenah phone call hmangin Special permit a dil theih ang.
2. Department Authority atanga phalna nei tan ni lo chuan Forest Rest House, Far Pak -ah riah leh choka hman theih a ni lo.
3. National Park chhungah phalna bik nei tan ni lo chuan ni chhuah atanga ni tlak thleng bak chamban phal ani lo
4. Fur ruahtuiin a kawng chhuat a hrut chhiat leh leimin-in kawngpui a tihchhiat te siamthat a la nih loh avangin Phawngpui National Park luh chhohnaah eng lirthei mah a tlan luh theih rih lo, tih kan in hriattir bawk ani
