NATIONAL GIRL CHILD DAY 2026 LAWMNA LEH 100 DAYS AWARENESS CAMPAIGN ON PROHIBITION OF CHILD MARRIAGE ACT. KHUH HAWNNA C.M.O. CONFERENCE HALL, LAWNGTLAI AH NEIH A NI
Rauthla 23rd January, 2026 (Zirtawpni) : Vawiin chawhnu dar 1:00 PM khan CMO Conference Hall, Lawngtlaiah 'National Girl Child Day 2026' lawmna leh '100 days Awareness Campaign on Prohibition of Child Marriage Act' khuhhawnna neih a ni a. Lawngtlai Bawrhsap Pu Donny Lalruatsanga chuan khuallian niin a hmanpui.
Pu Donny Lalruatsanga chuan kalkhawmte chibai bukna neiin, programme- ruahmanna tha tak avangin lawmawm a tih thu a sawi a. Khawvelin hmeichhia leh hmeichhe naupangte himna leh hmakhua hi a ngai pawimawh em em a, chumi avang chuan khawvel pumpuiah hetiang hun hi hman thin a ni, a ti. 'Hmeichhia ti chak la, i ram leh hnam a chak ang, hmeichhia ti eng la, khawvel a eng ang' tih a nih angin Hmechhiate khawvel hi khawvel eng takah kan siam sak tur a ni, a ti. Bawrhsap chuan tun hma kan society - ah hmechhiate dinhmun a hniam em em thin a, Mipa thu neihna society a ni thin a, mahse tunah chuan hmeichhe dinhmun a tha tawh viau niaa a hriat thu a tarlang a. India sawrkar leh State sawrkar pawh in hmeichhiate chawikannaah kawng hrang hrangin hma a la mek zel a ni, a ti. Hmeichhiaten khawvel thar leh eng zawk an neih theih nan sah kuah sak an ngai a, chinfelpuitu nih i tum tlat ang u tiin a sawm a ni.
Khuallian chuan Sawrkar, NGO leh Kohhran ten hmeichhiate tan theihtawp chhuah a tul hle a ti a. An rilru ngaihtuahnate an tih hlawhtlin a, an nihna tur ang tak an nih theih na turin mitin hian mawhphurhna kan nei a ni, a ti. Hmeichhiate hi an kalkawngah hnawk a tam bik a, vawiin hun kan hman atang hian an kal na kawng hrang hrangah tanpui a tul hle a ti a. Bawrhsap chuan eng hnam pawh ni ila, a pawimawh ber chu hmechhiate tih chak niin, ram leh hnam tha tak din turin hmeichhiate dinhmun i chawi nung zel ang u tiin kalkhawmte a sawm nghal bawk.
Vawiin hun hmanna hi Pi F.Lalengvari,, DMC-DHEW Lawngtlai chuan kaihruaiin, Pi B.Lalhlimpui, Advocate, District Legal Service Authority- in 'Prohibition of Child Marriage Act' chungchang sawifiahna leh zirtirna a nei a . Falicitation hun Jame VL Dika, Gender Specialist, DHEW Lawngtlai in hmangin, Pi V.Vanlaldingliani, Asst. DPO (WCD), Lawngtlai in lawmthu sawina neiin hun a khar.
' National Girl Child Day 2026' lawmna leh '100 days Awareness Campaign on Prohibition of Child Marriage Act' khuh hawnna hi District Hub for Empowerment of Women (DHEW), District Programme Office (WCD), Lawngtlai District leh District Legal Services Authority, Lawngtlai tangkawpa buatsaih a ni.
