Rauthla 19.January.2026 (Thawhtan) : Bairabi Police-in Dt 18.Jan.2026 tlai dar 5 vel khan a senchi leh beer thahnem tak leh a neitu-a puh an man.
Bairabi Police Checkgate-a Duty ten an man hi Royal Stag Whiskey um 204 (17 cases); Kingfisher Beer Can 336 (14 Cases) leh MC Dowell’s No1 Rum um 384 (16 Cases ) a ni a, heng zute hi avaiin cheng 1,92,960 man (Printed Price) a ni.
Heng zute hi Assam atanga lak niin, TATA Yodha (MZ 03A-1516) hmanga phurh a ni a, a khalhtu KT. Beiphasa (30), Siaha Council Veng ni-a insawi chu manin, Bairabi Police Station-ah thubuai siam sak a ni.
He thu hi Mara Thyutlia Py (MTP), Siaha Council Vaih Branch ten an hriat veleh, an veng mi a ni em tih an in dap nghal a. MTP hruaitute hian Bairabi Police-in a senchi an man sak KT Beiphasa chu an veng mi a nih loh thu an sawi.
MTP Siaha Council Vaih Branch hian nimina Bairabi Police Checkgate-a Zu (alcohol) man chungchanga mawhphurtu KT Beiphasa-an Siaha Council Vaih-a cheng leh khawsa anga a insawi chu thu dik lo a ni tih an sawi a.
KT Beiphasa hi Council Vaih, Siaha mi leh sa a ni lo tih hi zzoram mipuiten lo hriat sak tur hetianga mi veng leh khua te dawtthu hmanga ti mualpho tawh lo turin an tih an sawi.
