𝐂𝐘𝐋𝐀-𝐈𝐍 𝐑𝐄𝐏𝐔𝐁𝐋𝐈𝐂 𝐃𝐀𝐘 𝐀Ț𝐀𝐍𝐆𝐈𝐍 𝐓𝐈𝐀𝐌 𝐂𝐇𝐈𝐍 𝐀𝐖𝐌𝐋𝐎 '𝐓𝐎𝐓𝐀𝐋 𝐁𝐀𝐍𝐃𝐇' 𝐇𝐔𝐀𝐈𝐇𝐀𝐖𝐓 𝐃𝐀𝐖𝐍
Rauthla 25.January, 2026 (Pathianni) : Nizan (24.01.2026) zan khan Central Young Lai Association (CYLA) chuan January ni 26, 2026, Republic Day ațang hian Lawngtlai district huam chhungah tiamchin awm lovin Total Bandh a huaihawt dawn tih an sawi.
Nizan khan CYLA CEC chuan Emergency Meeting neiin, 12th Lai Autonomous District Council-a MDC General Election neih zawh takah sorkarna siam thei an awm reng chunga, ni 45 ral hnu ah pawh Mizoram sorkar ațanga Approval tihchhuah loh chungchanga CYLA hmalaknain awmzia a neihloh avangin, CYLA CEC Emergency Meeting chuan ngun takin a ngaihtuah tih thuchhuah siamin anvtarkang a. 'Kan ram leh hnamin sorkar mumal kan neihloh avanga harsatna kan tawh zawng zawngte leh, mipui tawrhna leh harsatnate avangin sorkar mumal rang taka kan neih theih nan, na zawka hmalak ţha kan ti," an ti a. Hemi atan hian January ni 26, 2026 (Thawhțanni) zing dar 5 ațangin Lawngtlai District chhungah tiam chin awm lova 'Total Bandh' neih nise tih an rel tih tarlan a ni.
CYLA chuan Lawngtlai District chhunga YLA Sub-Hqrs/Group leh Branch zawng zawngte chu an huam chhung țheuhah Total Bandh hi kalpui tura ngenin a hriattir nghal a ni.
LADC-ah sorkarna mumal a awm theihna tura YLA hmalakna kal mekah Central YLA chuan mipuite thawhpuina ngenin, 'kan ram mipuite avangin a țul ang zelin Central YLA chuan hma a la zel dawn a ni,' tiin a ti bawk.
