Kum 2025 khan Lawngtlai District ah Case register 69 awmin, chung zingah 21.73% chu rukru case a ni
Rauthla 08.January.2026 (Ningani) : Vawiin khan Lawngtlai District Police ten SP Lawngtlai kaihhruaina in Crime Review Meeting leh infuihtharna, SP Office, Lawngtlai-ah ah neih a ni.
Pu PC.Lalchunglura, SP kaihhruaina hnuaiah meeting hi neih a ni a. Hetah hian Case pending ho zawng zawng sawihona neih a ni a, chumai bakah Case Investigation leh Law and Order ah chak taka hmalak dan tur leh felfai zawka hmalak theih dan tur te sawiho a rel a ni. Hei bakah hian kawng hrang hranga infuihtharna neih a ni bawk.
SP Lawngtlai chuan kum 2025 Krismas leh kumthar 2026 lawmna boruakah Police-ten duty tha tak leh hlawhtling taka an ti thei chu staff-te inpekna leh hmalakna anih thu a sawi a. Tin, Law & Order ah harsatna awm lovin Hunpui ralmuang tak leh thlamuang taka hman zawh a ni thei chu Police-te, District Administration-te, NGO's, MJA leh Kohhrante thawhhona tha tak an neih vang ani a ti. Tin, Ruihhlo do beihpui thlaka "Operation Jericho" an kalpui mek a vangin District chhungah ruihhlo a tawmim leh ralmuang taka mipui nunauten hunpui an hmang thei chu lawmawm a tih thu a sawi bawk. Kumthar 2026 atan staff zawng zawngten kan duty mawhphurhna tha taka hlen vek turin duhsakna a hlan bawk.
1. 2024(January to December) chhung khan case registered 87 a awm a, Case tam ber hi rukruk case a ni. Heng case te hi 76 chargesheet a ni a, case 11 Final Report Submit a ni a, Pending Investigation a awm tawh lo. Case 42 ah accused Convict an ni a, Court pending trial 30 ala awm.
2. Kum 2025(January - December) thleng a Case registered awm zat chu 69 a ni a, Kum 2024 ah 87 registered a ni a, Case tlakhniamna chu 20.68% a ni. Case kan neih zinga atam zual kan neih dan leh percentage chu hetiang hi a ni.
Theft (15 Cases) 21.73%, Burglary (12 cases) 17.40%, Motor Accident Fatal (4 Cases) 5.80%, POCSO (6 Cases) 8.70%, ND&PS (4 Cases) 5.80%, Arms Act (5 cases) 7.256% te an ni. Case 69 zingah Chargesheet 47 submit a ni a, case 13 ah FR (Final Report) submit a niin Pending Investigation 9 neih ala ni. Case 24-ah Convict tawh ni in Court Pending Trial 17 a la awm bawk.
He District Crime Review Meeting-ah hian SP, SDPO's, OC's leh Case Investigating Officer's te mi 12 telin uluk tak leh chipchiar taka case te sawiho a ni.
