LAWNGTLAI DISTRICT LEVEL COMMITTEE ON FIRE PREVENTION ṬHUKHAWM
Rauthla, 9th January 2025 : Vawiin khan 'Lawngtlai District Level Committee on Fire Prevention' chuan an Chairman leh Bawrhsap nibawk Pu Donny Lalruatsanga kaihruaiin DC Conference Hall-ah thutkhawm an nei.
Pu Donny Lalruatsanga chuan kal khawmte hnena lawmthu sawina neiin kum thar chibai bukna a nei a. Kangmei ven that kawngah hmasawnna tur leh tih hmabak a awm nasa hle nia ahriat thu tarlangin theihtawp chhuah a tul hle a ti a. District dangte nen tehkhina Lawngtlai District - a hniam hle thin chu veiawm a tih thu tarlangin, Sawrkar, VC, NGO leh mimal ten ngaipawimawh thar turin a chah a ni. Kangmei chungchangah inkhuahkhirhna chhuah thuai a nih tur thu leh dan bawhchhetute na zawka hrem an nih tur thu a sawi a ni. Bawrhsap chuan Lo neitute pawh lo hal theih hun chhung ngei a hal fel tur leh kangmei chhuak lo tur zawnga lo hal turin a chah a. Kangmei chhuak lo tura theihtawp chhuah turin sawrkar department, VC, NGO, Kohhran leh Lawngtlai mipuite a sawm nghal bawk.
Thutkhawmah hian thu pawimawh tak tak sawiho a ni a. Lo neituten sawrkar hun tiam March ni 15 hma ngeiin an lo te lo hal fel se tih a ni a. Khaw tinah 'Fire line' mumal tak siam ni se tih niin, PD DRDO in hma lo la se tih a ni. Mock Drill leh Awareness Campaign - tha zawka kalpui nise, Flyers leh Short Video siam ni se tih niin, DIPRO chu mawhphurhna pek a ni. DTO kaltlangin mipui phur lirthei khalhtute hnenah meizuk that lohna thuziak emaw thuchah sem ni se an ti a. BDO ten anmahni huamchhung theuhah kangmei chhuak lo turin hma lo lain thuchhuahte lo siam se an ti a ni. Kangmei laka mipuite an fimkhur zawkna turin 'information mike' kaltlanga uar zawka au thin ni se, hemi atan hian khaw tin leh veng tina VC- te hnenah ngenna siam ni se an ti bawk a ni. Zirlai naupangte zingah kangmei laka fimkhur tura hmalakna neih ni se, DEO, Lawngtlai leh LADC - a Education Department (Primary School leh Middle School ) ten hma lo la se an ti, a. Kangmei laka fimkhur tura ngenna siam a, Kohhran tina sem leh puantir ni se an ti bawk a ni.
