PMJVK atangin Lawngtlai Distrct ah Basketball court leh Volleycourt siam a ni dawn
0
January 15, 2026
Rauthla 15.January, 2026 (Ningani) : Pu C. Lalsawi-vunga, Minister, District Council & Minority Affairs, etc. chuan nimin khan Mizoram Secretariat Conference Hall, MINECO-ah Mizoram State Sports Council (MSSC) buatsaih, Lunglei, Lawngtlai leh Mamit District-a Ministry of Minority Affairs hnuaia Pradhan Mantri Jan Vikas Karyakram (PMJVK) kaltlanga basketball court 24 leh volleyball court 18 sakte hawnna hun chu khuallian niin a hmanpui a. He’ng infiamna hmun 42-te hi infiamna lama Mizoramin hma a lo sawn a, infiammite’n tangkai taka an hman atan a hawng nghal a ni.
Minister chuan PMJVK chu hmasawnna ruhrel (infrastructure) dinna atana Central Scheme pawimawh a nih thu leh sawrkarin zau zawka ngaihtuahna neiin, health leh education sector leh a dangah tangkai taka hman tumin ke a pen chho mek tih a sawi a. Sports bungrua leh hmunhma, tha leh zung, ngaihtuahna tam tak bakah cheng tam tak senga siam leh sakte chu duat leh uluk taka enkawl a ngaih thu leh he’ng venhim kawngah hian a awmna khawtlangte’n mawhphurhna sang tak an neih thu sawiin, vawiina infiamna hmun hawn takte chu infiammite’n an hlawkpui nan duhsakna a hlan a ni.
DC&MA hian Lunglei, Lawngltai leh Mamit District-ah PMJVK kaltanga Basketball court 24 leh Volleyball court 18-te sak a ni dawn a. Lawngtlai District atan hian Basketball court siamna tur atan Rs 108.07 lakhs a ni a, Volleyball court siamna tur atan Rs 32.87 lakhs hmuh a ni bawk.
Basketball Court with Viewing Gallery: Lawngtlai District huam chhunga Basketball Court with Viewing Gallery siamna atan hian Rs. 108.07 lakh zel approval hmuh a ni a, heta tanga 90% Rs. 97.26 lakh chu Central Share niin, 10% Rs. 10.81 lakh chu State share a ni bawk. Lawngtlai District-ah Basketball Court heng hmunah te hian siam an ni ang a. Chung khua te chu- Chawngte P,Chawnhu, Diltang, Paithar leh Mampui
Volleyball court with Viewing Gallery: Lawngtlai District huam chhunga Volleyball Court with Viewing Gallery siamna atan hian Rs. 32.87 lakh zel approval hmuh a ni a, heta tanga 90% Rs. 29.58 lakh chu Central Share niin, 10% Rs. 3.29 lakh chu State share a ni bawk. Lawngtlai District-ah Volleyball Court heng hmunah te hian siam a ni a. Chung khua te chu - Chawnhu, Diltlang, Paithar leh Chawngte ‘C’ te an ni.
Tags
