Mizoram State University chungchanga State Level Consultation buatsaih
Rauthla 06.02.2026 (Zirtawpni) : Mizoram College Teachers Association (MCTA) buatsaihin, Conference Hall Government Aizawl College-ah Mizoram State University lo ding tur kaihhnawih ah State Level Consulatation neih a ni a. He hun hi Pu CVL Tlanhlua, President, MCTA in a kaihruai a. Pu Laltanpuia, Director, H&TE chuan keynote address sawiin, sawrkarin, Mizoram State University din a tum chhohna kawnga State University kan mamawh dan te, a ken tel thil pawimawh te leh ngaihpawimawh ngaite sawiin, state university kan neih ruala kan ram tana a that danturte ngaihtuah a pawimawh thu a sawi. Kan hma lawk a Mizoram State University din dan tur ruangam ruahmanna lo awm tawh leh, harsatna awm thei te kalkhawm te hmaa sawiin, college zirtirtute chu state university lam hawi a, tan lak ngaihna kawng hrang hranga tan la turin a fuih bawk.
He hunah hian panel discussion neih niin, Pu Samuel J Laltlanzaua, Vice President, MCTA in a kaihruai a. Prof. Zarzoliana, ASPD, RUSA leh Dr. K Vanrammawia, Secretary, MCTA te panelist ni in, State University dinna tur atana pawimawh leh a kaihhnawih thil hrang hrang inhrilhhriatna hun an nei a.
Mizoram State University Act siam a lo nih chhoh dan te, he dan kalphung tlangpui te leh mizorama kalpui a ni dan tur te, a inrelbawl dan tur te bakah cluster university kalpui dan tur te sawi a ni a. State University a din huna, college awmsa te kal zel dantur bakah, teachers appointment chungchang leh, state sawrkar in a enkawl dan tura beisei te sawi a ni a. Mizoram State University Act thar kalpui tum a nih thu te, beisei tur awm ang te leh kal zel dantur te pawh sawiho a ni a. MCTA member kalkhawm te’n he mi kaihhnawiha thil pawimawh hrang hrang sawihona an nei bawk a ni.
State Consultation ah hian MZP leh MSU atanga aiawh sawmte an tel bakah, State sawrkar hnuaia college hrang hrang atangin MCTA member 97 an kal khawm a ni.
