Rauthla 20.03.2026 : Dt 25-27.March, 2026 hian Cheural Branch YLA ten Young Lai Association General Conference vawi 31-na chu Khawzalang Run, Cheural ah an thleng dawn ta.
YLA General Conference zan khatna (25.03.2026) tlenkim zan ah hian Pu Eden Lalrammawia, Central YLA Fin.Secretary in a kaihruai ang a. Lawngtlai East Bialtu MLA Dr.Lorrain Lalpekliana Chinzah, Adviser to CM chu khuallian ani ang. Central YLA Vice President Pu T.Rohlupuia'n inlawmna thu a sawi ang a. Lawngtlai District Bawrhsap Pu Donny Lalruatsanga, MCS in thusawi na hun a nei bawk ang. Central YMA atangin chibai bukna thusawi ngaihtlak ani bawk ang a, zaithiam zai hemi zan hian ngaihtlak tur a awm bawk ang.
Dt 26.03.2026 chhun ah Conference Rorel Inkhawm neih ani ang. Hemi zan hi Cultural Night atan hman ani ang a. Central YLA Asst.General Secretary Pu Ricky VL.Hmingthanzuala'n a kaihruai ang a. Lai Autonomous District Council a Chief Executive Member Pu C.Lalsawmzuala chu khuallian ani ang. Cultural Night anih angin hman lam chi hrang hrang entir ani ang a. Central YLA President Pu F.Lalrothanga'n thusawina hun a nei anga, MTP Gen.Hqrs atangin chibai bukna thusawi ngaihtlak ani ang a, zaithiam zai ngaihthlak ani bawk ang. Conference a kal te hnam incheina atan inchei vek tura tih ani bawk
Dt 27.03.2026 chhun ah Central YLA hruaitu (2026-2028) inthlanna neih ani ang a. Inthlan hi Mizoram Journalist Association Lawngtlai District ten an kaihhruai ang.
Zan lamah confrence hi neih chhunzawm leh tur ani ang a. Central YLA Treasurer Pu Lalngaihzuala Fanchun in a kaihhruai ang a. Lawngtlai West Bialtu MLA Pu C.Ngunlianchunga chu khuallian ani ang. Pu LZ.Tluanga, Central YLA Ex President in hruaitu thar te lakluhna hun a nei ang a. Lai Students Association Gen.Hqrs te atangin chibai bukna thusawi ngaihtlak ani bawk ang. Hemi zan hian Conference hi a tiak ang
