YLA Sub-Hqrs Sangau ten lawmthu sawina thuchhuah an siam
Rauthla 16.04.2026 : Young Lai Association Sangau Sub-Headquarters huamchhung ah hian khaw (Village Council) 14 kan awm a, kan bialchhungah hian dam lo leh ruang phurh nan private motor tih loh chu sawrkar, mimal leh pawl ta Ambulance pakhat mah a awm loh avangin kan bialchhung mipuiten emergency thil a dam lo phurh ngai leh ruang phurh ngai a awm changin harsatna kan tawk fo thin a ni.
Hetiang hunah hian loh theihlohin, harsa chung chung pawhin Sawrkar/Private Ambulance hman a ngai fo thin a, Mi tam zawk chu mi harsa tete kan nih avangin Sangau bialchhung mipuite tan a harsa em em thin a ni.
Hetiang dinhmuna kan din mek lai leh engtinnge kan sutkian ang tia ngaihtuahna kan sen mek lain kan MLA Dr Lorrain Lalpekliana Chinzah hmalakpuina zarah Dt.14.4.2026 ah khan Formosa Foundation, Mizoram leh Central YΜΑ thawhhonain YLA Sangau Sub-Hqrs bialchhung mipuite tan Ambulance thar pek kan ni hlauh mai a, kan lawm takmeuh a ni.
He Ambulance kan dawn theih nana theihtawp min chhuahpuitu kan MLA - Dr Lalpekliana Chinzah chungah leh a bik in Formosa Foundation Mizoram Chairman Pu Jonathan Lalremruata chungah leh CYMA chungah keini YLA Sangau Sub-Hqrs te chu kan lawm takzet a ni. Hei chauh hi ni loin kan bial chhung Branch Young Lai Association te pawn kan dinhmunte hriain Ambulance dilna siam chungchangah pawh lungrual taka tanghoin a hlawhtlinna ropui tak mai kan han hmu thei ta hi ram leh hnam tana ding tlawmngai pawl YLA kan nihzia rawn lanfiah tirtu a ni a, YLA Sangau Sub-Hqrs chhunga awm Branch YLA zawng zawngte in chungah kan lawmthu kan sawi e.
Kan bialchhung dinhmun leh kan mamawh ziate hriaa Formosa Foundation, Mizoram ten Sub-Hqrs/Group/Joint/Branch YLA dangte la kalkan rihin a hmasa lamah Ambulance min pe hi kan lawmna tizualtu a ni. Midangte tan malsawmna thlentu an nih zel theih nan duhsakna sang ber kan hlan a, hmalam hunah pawh zau zawka an luanchhuah zel theih nan Lalpan kaihruai zel hlawm rawh se.
Formosa Foundation, Mizoram leh CYMA chungah kan lawm e!!
Issued by : Young Lai Association Sangau Sub-Headquarters
