South Khawlek VC leh All NGO ten thuchhuah siam
HT.Lianhmingthanga YMA member nihna an hlihsak, Vanlalliani pawh MHIP South Khawlek ten member nihna an hlihsak
Rauthla 18.05.2026 (Thawhtanni) : Ni 8.5.2026 zirtawp ni a, Thenzawl vachadil venga Bomb hmanga boral Pu Lalrinfela thihna chungchangah South Khawlek VC leh All NGO ten he tiang hian zoram mipui ten kan lo hriat turin thuchhuah kan siam a ni.
SOUTH KHAWLEK VC LEH ALL NGO TE THUCHHUAH.
Dated 8.5.2026 (Firday) khan Pu Pc Lalrinfela S/o Pc Ramfangzauva south Khawlek chu, Pu Lalrinmawia In, Thenzawl vachadil veng, HT.Lianhmingthanga te luah laiah Bomb hmangin a boral a, he thihna thleng hi pawi kan ti tak zet a, khawtlang mipuiten kan tuar thiam lo hle a, hetianga thihna hi thleng nawn tawh lo se tih hi kan duh dan a ni.
Pu Pc.Lalrinfela leh Vanlalliani (maliani) hi kum 2011 khan an innei a, fa pali mipa pahnihleh hmeichhia pahnih an nei a, nupa hlim takin an khawsa ṭhin a ni. Tichuan Vanlalliani hian HT.Lianhmingthanga S/o HT.Lalnuntluanga south khawlek hi a um san a, (HT.Lianhmingthanga hi Pc.Lalrinfela nu nutei fapa a ni) Pc.Lalrinfela hian a nupui hi a hmangaih em avangin a ko haw leh a, HT.Lianhmingthanga hian bansan tum lovin an nupa kar a tibuai zui reng a, a tawpah chuan vanlalliani hian HT.Lianhmingthanga thu hmuin a pasal leh fate kal sanin HT.Lianhmingthanga hnenah a let leh ta a, hemi hnu hian march thla tawp lam khan Thenzawlah an awm ta a ni.
Social Media lamah Vanlalliani hi Pu Lalrinfela nupui hlui ti a sawi a ni a, hei hi thudik lo a ni. Pc.Lalrinfela hian a ma lo va, Vanlalliani hian sum a chhuah bawk lo va, nupa nilai reng an ni.
Mi nupa kar tibuaia pawt ṭhentu HT.Lianhmingthanga leh Pasal nei reng chunga mipa dang ngaizawnga pasal leh fate chhuahsantu Vanlalliani te khawsak dan hi a tenawm tak zet a, thihna hial a thlen phah ta hi pawi kan tiin kan dem tak zet a, tun hnuah hetiang thil hi tu chungahmah thleng tawh lo se kan ti.
Sohth Khawlek YMA Branch chuan HT.Lianhmingthanga leh Vanlalliani te hi YMA member an nihna a hlihsak nghal a, MHIP South Khawlek pawhin Vanlalliani hi member a nihna an hlihsak nghal a ni.
