K. ROCHHARLIANA (1996 - 2026) CHANCHIN TLANGPUI :
K. Rochharliana hi April 16, 1996 ah K. Lalchhuanzika (L) leh Remlengi Hlichhal te karah Unau zinga Upa ber dawttu ni turin a lo piang a. A pianpui Unau te chu
2. K. Rochharliana(Kan sun mek)
3. K. Lalbiakzama
4. K. Malsawmtluanga
K. Rochharliana hi naupangte anih ațangin mi harh vang, fiamthu duh, thenrual kawm nuam ti mi, thian siam thiam tak a ni a. Aia upa te bulah a khawsa tamin aia upa te zah thiam tak mi a ni a. Infiamna lamah veng aiawhin Volleyball-ah pawh sulhnu a nei hma hle a. Kum 2010 khan Volleyball Federation of India (Mini National Championship) Bhopal hmun a neih ah Mizoram aiawha thlan a ni a. Lawngtlai vengpui tan hian vawi engemaw zat khelin nomawi a hawn ve tawh a, Lawngtlai district-a Volleyball Club hrang hrangah a khel nasa in District aiawhin a fehchhuak ve nual tawh a ni. Mizoram Volleyball Association buatsaih Inter District Volleyball 2018 Lawngtlai a neih ah Lawngtlai district an champion khan a tel ve a ni. Heng bakah hian Mizoram District hrang hrangah inkhel tura fehchhuakin a kual nasa ve hle thin a. Tahan (Myanmar) hmun thlengin Volleyball tan hian a lo fehchhuak tawh a ni.
Thlalak lamah hian Phawngpui Photographer Association lamah inziak lutin vengchhung leh vengdangah chhiat thatah midang tan a lo kalchhuak ve thin a, YLA Lawngtlai vengpui branch hmalakna hrang hrangah a phak ang tawka in hmang ve in kohhran thalai lamah pawh hnatlang leh rawngbawlna hrang hrangah a phak ang tawkin a in hmang bawk.
Natna leh Dam lohna a neih han sawi mai tur kan nei lova, May 17, 2026 (Pathian ni zing) Dar 9:30 Am khan chaw ei tura kaihthawh kan tum chu kaitho thei lovin LCMC lamah kan tlan pui nghal a, Doctor leh Nurse ten theihtawp an chhuah chung pawhin kan in chhan thei ta lova tun dinhmun hi kan thleng ta a ni.
Chhartea hi Football ah Chelsea Football Club hi a tan hle a. An tan Fans rinawm tak ani, a boral thu hriat anih veleh Mizo Chelsea Supporters club ten Chelsea FC lam an hriattir nghal a. Chelsea Fans Club, Stamford Bridge, Fulham Road London SW6 1HS atangin Reece James-a hnen atangin sunna leh tawrhpui a thu hi a chhungte'n an dawng bawk ani
Lawmthu sawina:
A dinhmun hria in thenawm khawnveng, VC, YLA Lawngtlai vengpui member te, Nu leh Pa, PPA-a a thawhpui te leh Volleyball a khelhpui thin te leh Veng hrang hrang a, a thian te lo kalin pawimawh leh țul zawng zawng min buaipui sak a, mahni hna tul kalsan a in lainatna kan chhungkaw chhunga in lantir hi in chungah thinlung takin lawmthu kan sawi e.
In khawngaihna dawngtu,
Remlengi Hlichhal
