National Students Union (NSUI) Mizoram ten MPSC hotute kawm

NSUI te MPSC Office ah leng

Rauthla 27.05.2026 (Nilaini) :  National Students Union (NSUI) Mizoram hruaitute chu MPSC Office-ah lengin, MPSC Secretary leh Official pawimawhte nen tunhnaiah MPSC mualphona hrang hrang leh a siamthat dan turte kan sawi ho.

        NSUI chuan tunhnaia an chetsualna hrang hrang vanga MPSC laka Mizoram thalaite rinna tlahniam ta chu pawi kan tih thu kan thlen a. Political pressure na tak karah pawh MPSC chu nghet taka ding a, dik leh fel taka hnalakna hrang hrang kalpui tura kan duh thu leh, tunhnaia an tihsual hrang hrang siamtha tura hma an lak ngei kan duh thu thlenin, an hmalak meknate kan zawtfiah a. MPSC hotute pawhin an dinhmun sawifiahin, tunhnaiah MES engemawzat lakna a thil dik lo awm chhuifiah tura Inquiry an kalpui mek thu an sawi bawk a. NSUI hruaitute pawhin thil dik lote chhuichhuak a, mawhphurtute laka dan anga action lak a nih ngei kan beisei thu leh, inquiry result leh an hmalak zui dan kan thlir reng tur thu kan sawi bawk. Hei bakah hian MPSC hmasawnna tura rawtna hrang hrang kan neihte MPSC hotute hnenah thlenin kan sawiho bawk a ni.

MPSC hi Constitutional body, sorkarin a control theih loh tur khawpa thuneihna sang tak nei a nih avangin sorkar hlau miah lo a hnalakna zawng zawng an kalpui kan phut tlat a. Tunhnuah tihsual liantham a awm tawh loh nan MPSC hmalak mekna te hi kan thlir reng dawn a ni.

        MPSC hruaitute nena inkawmnaah hian NSUI (Mizoram) President Pu C. Lalhriatpuia, Vice President Pu Lalmuanawma leh General Secretary Pu R. Zomuanpuia te an kal a ni.