CHAMPHAI POLICE TEN RUIHLO TAM THAM TAK AN MAN
Rauthla 04.06.2026 (Ningani) : Champhai Police-te chuan ruihlo tawlh ruk beih letna kawngah tan la zelin, ni khat thil thuah ruihlo vei vak 6 ngawt man chhuakin mi 8 an man a, heroin hawng 29, cheng nuai 70 chuang man hu an man.
1. Ni 03.06.2026 chhun dar 12:30 vel khan Champhai Khankawn Check Gate-ah dan pangngaiin Aizawl pan tur Sumo endik a ni a, passenger pakhat Lalhriatzuali (23), Dinthar Veng, Champhai chu a taksaa ruihlo thukrua rinhlelh a ni a. Dap a nih hnuah a taksaa a thuhruk heroin nia hriat hawng thum (3), gram 29 vela rit, a hlutna ₹5,80,000/- hu vel chu ama thu ngeiin a phawrh a, man a ni.
2. Ni 03.06.2026 chhun dar 1:00 vel khan Champhai Khankawn Check Gate-ah bawk Aizawl pan tur Sumo tihdin a ni a, tah chuan passenger pakhat Hmangaihzuali (37), Niawhtlang, Siaha District ami chu a taksaa ruihhlo thukrua rinhlelh a ni a. Endik a nihin, a mawza (tlang hnih) leh a kekawr kawng chhung lama a thuhruk heroin nia hriat hawng thum (3), gram 40 vela rit, a hlutna ₹8,00,000/- hu vel chu aman a phawrh a, man a ni.
3. Ni 03.06.2026 chhun dar 1:00 vel bawk khan Champhai Khankawn Check Gate endiknaah hian Aizawl pan tur Sumo passenger pakhat, Lianneihmawii (21), Tuirial, Aizawl chu a taksaa ruihlo thukrua rinhlelh a ni a. Dap a nih hnuah a thuamhnaw chhunga a thuhruk heroin nia hriat hawng khat (1), gram 12 vela rit, a hlutna ₹2,40,000/- hu vel chu aman a phawrh a, man a ni.
4. Ni 03.06.2026 tlai dar 3:00 vel khan Champhai Khankawn Check Gateah lirthei endik niin, Aizawl pan tur Sumo pakhat seat hnunglama zin bag dum chu rinhlelh a ni a. Passenger zinga mi Wesley Thangmawii (19), Bethlehem Vengchhak, Aizawla mi bag a ni tih hriat a ni a. Bag hi endik a nih hnuah heroin nia hriat hawng sawmpali (14), gram 180 vela rit, a hlutna ₹36,00,000/- hu vel hmuhchhuah a ni a, man a ni.
5. Ni 03.06.2026 tlai dar 6:00 vel khan Zokhawthar-a Indo–Myanmar Friendship Bridge-ah Myanmar atanga lo lutte endik a ni a, hmeichhe pakhat Lalengmawii (50), Zotlang, Champhai chu a bazar bag khaiah ruihlo a pai rinhlelh a ni a. Endik a nih hnuah a bag atang hian heroin nia hriat hawng thum (3), gram 36 a rit, ₹7,20,000/- man hu man a ni.
6. Ni 03.06.2026 zan dar 9:30 vel khan Champhai Khankawn Check Gateah endik hna thawh a nih laiin, Aizawl pan tur Sumo passenger pakhat Lalkrosshlumawii (24), Thuampui, Aizawl chu a taksaa ruihlo thukrua rinhlelh a ni a. Dap a nih hnuah a thuamhnaw chhunga a thuhruk heroin nia hriat hawng nga (5), gram 55 a rit, ₹11,00,000/- man hu chu amah ngeiin phawrhin man a ni.
